ପାଟଣାଗଡ,୧/୧୨- ପାଟଣାଗଡ଼ ଉପଖଣ୍ଡ ବେଲପଡ଼ାରେ ଓଡିଶା ଏଡ୍ସ ନିୟନ୍ତ୍ରଣ ସମିତି ସହାୟତାରେ ଉତ୍କଳ ସେବକ ସାମାଜ ଦ୍ୱାରା ପରିଚାଳିତ ଲିଙ୍କ ୱାର୍କର ପ୍ରକଳ୍ପ ବଲାଙ୍ଗିର ଓ ପଞ୍ଚାୟତସମିତି ମହାବିଦ୍ୟାଳୟ ବେଲପଡ଼ାର ଉଦ୍ୟମରେ ବିଶ୍ୱ ଏଡ୍ସ ଦିବସ ପାଳିତ ହୋଇଯାଇଛି । ଶତାଧିକ ଛାତ୍ରଛାତ୍ରୀ ଭାଇ ଭଉଣୀ ଓ ପ୍ରକଳ୍ପର କର୍ମକର୍ତ୍ତାମାନଙ୍କ ଉପସ୍ଥିତିରେ ବେଲପଡ଼ା ମହାବିଦ୍ୟାଳୟର ସଭାଗୃହରେ ଏକ ସଭା ଅନୁଷ୍ଠିତ ହୋଇଥିଲା । ମହାବିଦ୍ୟାଳୟର ଅଧ୍ୟକ୍ଷ ଶ୍ରୀ ନବୀନ ମେହେର ସଭାପତିତ୍ୱ କରିଥିବାବେଳେ ସମ୍ମାନୀତ ଅତିଥି ଭାବରେ ଅଧ୍ୟାପକ ମନୋଜ କୁମାର ମହାକୁଡ, ଅମିୟ କୁମାର ବାବୁ, ପ୍ରଦୀପ କୁମାର ଯୋଶୀ, ଅଧ୍ୟାପିକା ରୋଜାଲିନ ସେଠ୍ ଯୋଗଦାନ କରି ଚଳିତବର୍ଷର ପ୍ରସଙ୍ଗ ଅନ୍ତ ଅସମାନତାର ଏଡସ୍ ଓ ମହାମାରୀ ବିଷୟରେ ତଥା ଉକ୍ତ ମହାମାରୀ ଯେପରି କି କାୟାବିସ୍ତାର କରି ମାନବ ସମାଜର ବେଶୀ କ୍ଷତି କରିପାରିବ ନାହିଁ ସେ ସମ୍ପର୍କରେ ଆଲୋଚନା କରି ସଚତେନ ହେବାପାଇଁ ଆଲୋଚନା କରାଯାଇଥିଲା । ପରେ ସମସ୍ତେ ପ୍ଲାକାର୍ଡ ଧରି ସ୍ଲୋଗାନ ଦେବାସହ ନିକଟସ୍ଥ ମାଳିମୁଣ୍ଡା ଗ୍ରାମରେ ପହଞ୍ଚିଥିଲେ । ପ୍ରକଳ୍ପର ସମସ୍ତ କର୍ମକର୍ତ୍ତା ସହଯୋଗ କରିଥିବା ବେଳେ ପ୍ରକଳ୍ପର ଜିଲ୍ଲା ସଂଯୋଜକ ମହେନ୍ଦ୍ର ନନ୍ଦ ସଂଯୋଜନା କରି କାର୍ଯ୍ୟକୁ ସମ୍ପାଦନା କରିଥିଲେ ।
