ମୁମ୍ବାଇ : ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜର ଅନ୍ତିମ ତଥା ଦ୍ୱିତୀୟ ଟେଷ୍ଟ ଆଜିଠାରୁ ମୁମ୍ବାଇ ୱାଙ୍ଖେଡା ଷ୍ଟାଡିୟମରେ ଖେଳାଯିବ । ବର୍ଷା ଯୋଗୁଁ ପଡିଆ ଓଦା ହୋଇଥିବାରୁ ଟସ୍ ପଡିବାରେ ବିଳମ୍ବ ହୋଇଥିଲା । ଏହି ମ୍ୟାଚରେ ଭାରତ ଟସ୍ ଜିଣି ବ୍ୟାଟିଂ କରିବାକୁ ନିଷ୍ପତ୍ତି ନେଇଛି । ଦଳର ଷ୍ଟାର ଅଲରାଉଣ୍ଡର ରବିନ୍ଦ୍ର ଜାଡେଜା ଆହତ କାରଣରୁ ଦଳରୁ ବାଦ୍ ପଡିଥିବା ବେଳେ ତାଙ୍କ ସ୍ଥାନରେ ଜୟନ୍ତ ଯାଦବଙ୍କୁ ସୁଯୋଗ ମିଳିଛି । ସେହିପରି ଉପ ଅଧିନାୟକ ଆଜିଙ୍କ୍ୟ ରାହାଣେ ମଧ୍ୟ ଆହତର ଶିକାର ହୋଇ ଦଳରୁ ବାଦ ପଡିଛନ୍ତି । ତାଙ୍କ ସ୍ଥାନରେ ନିୟମିତ ଅଧିନାୟକ ବିରାଟ କୋହଲି ଦଳକୁ ଫେରିଛନ୍ତି । ସେହିପରି ଆହତ ଇଶାନ୍ତ ସ୍ଥାନରେ ମହମ୍ମଦ ସିରାଜକୁ ସୁଯୋଗ ମିଳିଛି । ଅନ୍ୟ ପକ୍ଷରେ ଆହତ କାରଣରୁ ନ୍ୟୁଜିଲାଣ୍ଡର ଅଧିନାୟକ କେନ୍ ୱିଲିୟମସନ ବାଦ ପଡିଥିବାରୁ ତାଙ୍କ ସ୍ଥାନରେ ଡାରୀ ମିଚେଲଙ୍କୁ ଦଳ ସ୍ଥାନ ଦେଇଛନ୍ତି । କେନ୍ ବଦଳରେ ଟମ୍ ଅଧିନାୟକ ଦାୟିତ୍ୱ ତୁଲାଉଛନ୍ତି ।
