ଜୟପୁର:
ଗଞ୍ଜେଇ ଚାଲାଣ ମାମଲା ରେ ଜୟପୁର ସଦର ପୋଲିସ ୪ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ମାନେ ହେଲେ ମିରଟ ସରଫ ରାଜ (୩୦), ହରିୟାନାର ସାକିଲ ଖାନ(୪୫), ମିରଟର ମୋହିତ କୁମାର (୪୨) ଓ କୋରାପୁଟ ଜିଲା ମାଛକୁଣ୍ଡର ସାଧୁ ଖିଲ (୪୦) । ଲମତାପୁଟ ଅଂଚଳରୁ ଗଞ୍ଜେଇ ଧରି ଜୟପୁର ଘାଟି ଦେଇ ୧୦ ଚକିଆ ଟ୍ରକ ଏଚଆର ୬୮ ଏ ୧୫୬୭ ରେ ଗଞ୍ଜେଇ ଚାଲାଣ ବେଳେ ସଦର ଥାନା ଅଧିକାରୀ ଆଦିତ୍ୟ ମହାକୁଡ ଚଢାଉ କରିଥିଲେ । ଯାଂଚ ବେଳେ ଉପରେ ପଇଡ ଥିବା ବେଳେ ଭିତରେ ଗଞ୍ଜେଇ ରହିଥିବା ଜଣାପଡିଥିଲା ।
ଗଞ୍ଜେଇ ଉତ୍ତର ପ୍ରଦେଶର ମିରଟକୁ ଚାଲାଣ ହେଉଥିଲା । ପାଖା ପାଖି ୩୦୧ କ୍ୱିଇଂଟାଲ ଗଞ୍ଜେଇ ଜବତ କରିଛି । ଯାହାର ଆନୁମାନିକ ମୁଲ୍ୟ ୩୦ଲକ୍ଷ ୧୦ ହଜାର ଟଙ୍କା ହେବ । ଏହା ସହ ଟ୍ରକ, ୨୫ ହଜାର ଟଙ୍କା, ୪ଟି ମୋବାଇଲ ଜବତ କରିଛି ପୋଲିସ୍ । ଏହି ମାମଲାରେ ୪ ଜଣ ଗିରଫ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି । ଚଢାଉ ସମୟରେ ପୋଲିସ ଜଣକୁ ଗିରଫ କରିଥିବା ତଥ୍ୟ ଆଧାରରେ ଅନ୍ୟ ୩ଜଣକୁ ଗିରଫ କରିଥିବା ସଦର ଥାନା ଅଧିକାରୀ ଆଦିତ୍ୟ ମହାକୁଡ ସୂଚନା ଦେଇଛନ୍ତି ।
