ପାଟଣାଗଡ଼:
ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡ଼ା ବ୍ଲକ ତେନ୍ତୁଳିମୁଣ୍ଡା ଜୟରାମ ମେହେର ହାଇସ୍କୁଲ୍ ପଡିଆ ଠାରେ ୧୯ ତମ ସ୍ପାଟନ କ୍ଲବ୍ ର ଫାଇନାଲ୍ ଖେଳରେ ବରବାହାଲ ବନାମ ମଣ୍ଡଳ ମଧ୍ୟରେ ସଂଘର୍ଷ ପୂର୍ଣ୍ଣ ମ୍ୟାଚ ଅନୁଷ୍ଠିତ ହୋଇଥିଲା । ଫୁଟବଲ ଟର୍ଣ୍ଣାମେଣ୍ଟ ମ୍ୟାଚରେ ବରବାହାଲ ଦଳ ମଣ୍ଡଳ ଦଳକୁ ୨ଟି ଗୋଲ ଦେଇ ଚମ୍ପିୟାନ ହୋଇଥିଲା ।
ଆଜିର ମ୍ୟାଚର ମୁଖ୍ୟ ଅତିଥି ଭାବେ ବେଲପଡ଼ା ବ୍ଲକର ବିଧାୟକ ପ୍ରତିନିଧି ଗଣେଶ କୁମ୍ଭାର ଯୋଗଦେଇ ଥିବା ବେଳେ ସମ୍ମାନିତ ଅତିଥିଭାବେ ତେନ୍ତୁଳିମୁଣ୍ଡା ସରପଞ୍ଚ ଭୀମସେନ୍ ମେହେର ଯୋଗଦେଇ ଖେଳାଳି ମାନଙ୍କୁ ଉତ୍ସାହିତ କରି ଟ୍ରଫି ସହ ପୁରସ୍କାର ରାଶି ପ୍ରଦାନ କରିଥିଲେ ।
ଆଜିର ଖେଳଟିକୁ ଆଶୀର୍ବାଦ ସାହା ପରିଚାଳନା କରିଥିବା ବେଳେ ଆଶିଷ ଦେବ ସାହା ଓ ଅଶ୍ୱନୀ ଭୁକ୍ତା ଲାଇନରେ ସହଯୋଗ କରିଥିଲେ । ସେହିପରି ଗୋଲାପ କୁମାର ବିଶ୍ୱାଳ ଧାରା ବିବରଣୀ ପ୍ରଦାନ କରିଥିଲେ । ଫୁଟବଲ ଟର୍ଣ୍ଣାମେଣ୍ଟ ରେ ସଭାପତି ବଳଦେବ ମାଝୀ ଓ ସମ୍ପାଦକ ବିପ୍ର ସୁନା ଉପସ୍ଥିତ ଥିବା ବେଳେ ସ୍ପାଟନ କ୍ଲବ୍ ର ସମସ୍ତ୍ ସଦସ୍ୟମାନେ ସହଯୋଗ କରିଥିଲେ ।
