ଗାବା :

ଗାବାରେ ଇଂଲଣ୍ଡ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ପ୍ରଥମ ଆଶେସ୍‌ ଟେଷ୍ଟ ସମୟରେ କ୍ୟାମେରାରେ ଏକ ରୋଚକ ଘଟଣା ଦେଖିବାକୁ ମିଳିଥିଲା । ଅଷ୍ଟ୍ରେଲିଆର ପ୍ରଥମ ଇନିଂସ ସମୟରେ ଇଂଲଣ୍ଡର ଜଣେ ଯୁବ କ୍ରିକେଟ ପ୍ରଶଂସକ ତାଙ୍କ ଅଷ୍ଟ୍ରେଲିଆ ଗର୍ଲଫ୍ରେଣ୍ଡ ପ୍ରୋପଜ କରି ସମସ୍ତଙ୍କର ହୃଦୟ ଜିତିଥିଲେ । ସୋସିଆଲ ମିଡିଆରେ ସେୟାର ହୋଇଥିବା ଏକ ଭିଡିଓରେ ଯୁବକ ଜଣକ ମ୍ୟାଚ ସମୟରେ ଅଷ୍ଟ୍ରେଲିଆରନିବାସୀ ତାଙ୍କ ଗର୍ଲଫ୍ରେଣ୍ଡଙ୍କୁ ପ୍ରୋପଜ ଦେଇଥିଲେ । ଏହା ପ୍ରତି ଉତ୍ତରରେ ଝିଅ ଜଣକ ମଧ୍ୟ ହଁ କହିଥିଲେ ।

ପ୍ରସ୍ତାବ ଗ୍ରହଣ କରି ଯୁବତୀ ଜଣକ ପୁଅକୁ ଆଲିଙ୍ଗନ କରିଥିଲେ । ଏହା ପରେ ପୁଅ ଜଣଙ୍କ ତାଙ୍କୁ ରିଙ୍ଗ ପିନ୍ଧାଇଥିଲେ । ସେଠାରେ ଉପସ୍ଥିତ ଦର୍ଶକମାନେ ଉଭୟଙ୍କୁ ପ୍ରଶଂସା ଓ ଅଭିନନ୍ଦନ ଜଣାଇଥିଲେ । ଏହି ଯୁବତୀର ନାମ ନାଟାଲୀ ଏବଂ ପୁଅର ନାମ ରବି ବୋଲି ଜଣାପଡିଛି ।
ଏହି ସମୟର ସମସ୍ତ ରେକର୍ଡ ବଡ ପରଦାରେ ଲାଇଭ ଦେଖାଯାଇଥିଲା । ସୋସିଆଲ ମିଡିଆରେ ଏହି ଭିଡିଓ ଭୟଙ୍କର ଭାଇରାଲ ହେବାରେ ଲାଗିଛି । ସୋସିଆଲ ମିଡିଆ ବ୍ୟବହାରକାରୀମାନେ ମଧ୍ୟ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି । ଜଣେ ଉପଭୋକ୍ତା କହିଛନ୍ତି ଯେ ମ୍ୟାଚ୍‌ ସମୟରେ ଏକ ଭଲ ମୁହୂର୍ତ୍ତ ।