କୋଣାର୍କ,୧୦/୧୨ : ଖରା ଗାଁ ସ୍ଥିତ ଶ୍ରୀଗୁରୁ ଆଶ୍ରମ ପ୍ରାଙ୍ଗଣରେ ଆଶ୍ରମର ପ୍ରତିଷ୍ଠାତା ଗୁରୁ ବାବା ଦିବ୍ୟସିଂହ ଶତପଥୀଙ୍କର ୧୭ ତମ ବ୍ରହ୍ମଲୀନ ମହୋତ୍ସବ ମହାସମାରୋହରେ ପାଳିତ ହୋଇଯାଇଛି । ଆଶ୍ରମର ପରିଚାଳକ ଶକ୍ତିଦେବ ଶତପଥୀଙ୍କ ତତ୍ୱାବଧାନରେ ଭାଗବତ ଗୀତାପାଠ ଗୁରୁବାବାଙ୍କ ଲିଖିତ ପୁସ୍ତକ ପାଠ ଗୁରୁନାମ ସଂକୀର୍ତ୍ତନ, ପ୍ରବଚନ ଓ ପ୍ରସାଦ ସେବନ କରାଯାଇଥିଲା । ଶକ୍ତିଦେବ ଶତପଥୀ ଗୁରୁବାବାଙ୍କ ଅମ୍ଳାନ ଦର୍ଶନକୁ ଉପସ୍ଥିତ ଶିଷ୍ୟ, ଶିଷ୍ୟା ଓ ଗ୍ରାମବାସୀମାନଙ୍କୁ ପ୍ରାଞ୍ଜଳଭାବେ ବୁଝାଇ ମାନବାଧିକାର ତତ୍ୱରେ ଚଳି ସୁନ୍ଦର, ସୁସ୍ଥ ଓ ସରଳ ଜୀବନଯାପନ କରି ଅନ୍ତିମେ ସଚିଦାନନ୍ଦ ପ୍ରାପ୍ତ ହେବ ବୋଲି ନିବେଦନ କରିଥିଲେ ।
