ନୂଆଦିଲ୍ଲୀ : ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟ ବଚ୍ଚନ ସୋମବାର ଦିନ ପ୍ରବର୍ତ୍ତନ ନିର୍ଦ୍ଦେଶାଳୟ(ଇଡି)ର ଦିଲ୍ଲୀ କାର୍ଯ୍ୟାଳୟରେ ହାଜର ହୋଇଛନ୍ତି । ଐଶ୍ୱର୍ଯ୍ୟା ଦିନ ୧.୩୦ ସମୟରେ ଇଡି ଅଫିସରେ ପହଞ୍ଚିଥିଲେ । ସୂଚନା ଅନୁଯାୟୀ ପନାମା ପେପର୍ସ ମାମଲା ସଂପର୍କରେ ତାଙ୍କୁ ପଚରାଉଚରା କରାଯାଇଛି । ସୂତ୍ରରୁ କୁହାଯାଇଛି ଯେ, ଯାଞ୍ଚ ଏଜେନ୍ସି ବିଦେଶରେ ସଂପତ୍ତି ରଖିଥିବା ଅଭିଯୋଗରେ ୨୮ ବର୍ଷିୟା ଅଭିନେତ୍ରୀଙ୍କ ବୟାନ ରେକର୍ଡ କରିଛି । ମେଗାଷ୍ଟର ଅମିତାଭ ବଚ୍ଚନଙ୍କ ପୁତ୍ରବଧୂ ଓ ଅଭିଷେକ ବଚ୍ଚନଙ୍କ ପତ୍ନୀ ଐଶ୍ୱର୍ଯ୍ୟାଙ୍କୁ ଆଜି ସକାଳେ ସମନ ଜାରି କରାଯାଇଥିଲା କିନ୍ତୁ ସେ ହାଜର ହେବା ପାଇଁ ସମୟ ମାଗିଥିଲେ ।
