ସୁବର୍ଣ୍ଣପୁର : ଆଜି ସୁବର୍ଣ୍ଣପୁର ଜିଲ୍ଲାର ହାବିଲଦାର କନଷ୍ଟେବଳ ଶାଖା ସଂଘର ନିର୍ବାଚନ ର ଫଳାଫଳ ଘୋଷିତ ହୋଇଛି । ଏଥିରେ ସୁବର୍ଣ୍ଣପୁର ଜିଲ୍ଲା ପୋଲିସ୍ କନେଷ୍ଟେବଳ କୁମୁଦ ରଞ୍ଜନ ମେହେର ତାଙ୍କ ନିକଟତମ ପ୍ରତିଦ୍ୱନ୍ଦୀ ହାବିଲଦାର ଦିନେଶ ମିଶ୍ରଙ୍କୁ ୬୧ଖଣ୍ଡ ଭୋଟରେ ପରାଜିତ କରିଛନ୍ତି । ସେହିପରି ଜିଲ୍ଲାର ହାବିଲଦାର ସୁଧାଂଶୁ ଶେଖର ମେଣ୍ଡଳି ପ୍ରଦୀପ ସାହୁଙ୍କ ଠାରୁ ୯୪ ଖଣ୍ଡ ଭୋଟ ଅଧିକ ପାଇ ବିଜୟ ହୋଇଛନ୍ତି । ସେହିପରି ଉପ ସଭାପତି ରଞ୍ଜିତ ପଧାନ ନିକଟତମ ପ୍ରତିଦ୍ୱନ୍ଦୀ ଆକାଶ ସାହୁଙ୍କ ଠାରୁ ୯୦ଖଣ୍ଡ ଭୋଟ ଅଧିକ ପାଇ ବିଜୟୀ ହୋଇଛନ୍ତି । କୋଷାଧ୍ୟକ୍ଷ ଭାବରେ ସୁଶାନ୍ତ ମିଶ୍ର, ଯୁଗ୍ମ ସମ୍ପାଦକ ସୁରେଶ ଡୁଙ୍ଗୁଡୁଙ୍ଗ, ଯୁଗ୍ମ ସମ୍ପାଦକ ବିଦ୍ୟାଧର ଧରୁଆ ଓ କାର୍ଯ୍ୟକାରୀ ସଭ୍ୟ ଅଜ୍ଞାନ ମହାକୁର , ଅଇବନ୍ ପଧାନ , ଦୁର୍ଯ୍ୟୋଧନ କାଲସିଆ, ନାରାୟଣ ଭୋଇ , ଯଦୁନାଥ ଦଣ୍ଡିଆ ବିଜୟୀ ହୋଇଛନ୍ତି । ପ୍ରତି ଦୁଇ ବର୍ଷରେ ଥରେ ଏ ନିର୍ବାଚନ ଅନୁଷ୍ଠିତ ହୋଇଥାଏ । ଆଜିର ଭୋଟ ଗଣତି ପ୍ରକ୍ରିୟାରେ ସୁବର୍ଣ୍ଣପୁର ପୋଲିସ୍ ର ଅତିରିକ୍ତ ଆରକ୍ଷୀ ଅଧିକ୍ଷକ ଜଗତ ଜୀବନ ପଟେଲ, ଡିଏସପି ହେମ ସାଗର ନନ୍ଦ ଓ ଆରକ୍ଷୀ ନିରୀକ୍ଷକ ଅମରେନ୍ଦ୍ର ପାଣିଗ୍ରାହୀ ପରିଚାଳନା କରିଥିଲେ ।
