କଣ୍ଟାବାଞ୍ଜି,୨୫/୧୨ – ବିଧି ମୁତାବକ ଅଜଣା ବୃଦ୍ଧଙ୍କ ଶବ ସତ୍କାର ପରେ ଆଜି ସ୍ଥାନୀୟ ଥାନା ପରିସରରେ ଶୁଦ୍ଧିକ୍ରିୟା କାର୍ଯ୍ୟକ୍ରମ ପୋଲିସ ବିଭାଗ ପକ୍ଷରୁ କରାଯାଇଛି । ଏହି କାର୍ଯ୍ୟକ୍ରମରେ ସହରର ଅସହାୟ, ଭିନ୍ନକ୍ଷମ ଓ ଭିକ୍ଷା ମାଧ୍ୟମରେ ପେଟପୋଷଣ କରୁଥିବା ବ୍ୟକ୍ତିକୁ ଶୋକପତ୍ର ମାଧ୍ୟମରେ ଆମନ୍ତ୍ରିତ କରା ଯାଇଥିଲା । ଅଜଣା ବୃଦ୍ଧଙ୍କ ଆତ୍ମାର ସଦଗତି ପାଇଁ ଅସହାୟ ଓ ଭିନ୍ନକ୍ଷମଙ୍କ ଭୋଜନପରେ ଉପଖଣ୍ଡ ଥାନା ଅଧିକାରୀ ଡାକ୍ତର ହୃଷିକେଶ ମେହେର ଓ ଆଇଆଇସି ସତ୍ୟଜିତ କାଣ୍ଡଲେକର ଶୀତବସ୍ତ୍ର ବଣ୍ଟନ କରି ସୁବିଧା ଅସୁବିଧା ବୁଝିିଥିଲେ । ଯାହାପାଇଁ କେହି ନାହିଁ ତାପାଇଁ ପୋଲିସ ଅଛି କଥାକୁ ଯଥାର୍ଥ କରିଛନ୍ତି । ଏହି କାର୍ଯ୍ୟକ୍ରମରେ ପୋଲିସ ଟିମ ସହ ସହରର ହୃଦୟବାନ ବ୍ୟକ୍ତି ସହଯୋଗ କରିଥିବାରୁ ସାଧୁବାଦ ଜଣେଇଛନ୍ତି ଉପଖଣ୍ଡ ଥାନା ଅଧିକାରୀ ।
