ଦଶପଲ୍ଲା,୨୫/୧୨ : – ନୟାଗଡ଼ ଦକ୍ଷିଣ କାଳୀ ପଡିଆ ଠାରେ ଅଂଚଳ ସ୍ତରୀୟ ,ଆମ ଲୋକକଳା ଆମ ସଂସ୍କୃତି କାର୍ଯ୍ୟକ୍ରମ ଉଦଘାଟିତ ହୋଇଯାଇଛି । ମୁଖ୍ୟଅତିଥି ଭାବେ ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରିଥିଲେ । ସମ୍ମାନୀତ ଅତିଥି ଭାବେ ନୟାଗଡ଼ ଜିଲ୍ଲାପାଳ ଡ.ପୋମା ଟୁଡୁ , ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ନିର୍ଦ୍ଦେଶକ ରଞ୍ଜନ କୁମାର ଦାସ, ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ପ୍ରକଳ୍ପ ସଂଯୋଜକ ବାସୁଦେବ ବିଷୋଇ , ଜିଲ୍ଲା ସଂସ୍କୃତି ଅଧିକାରୀ ଟଙ୍କଧର ଭୋଇ ଯୋଗ ଦେଇଥିଲେ । ଆମ ଲୋକକଳା ଆମ ସଂସ୍କୃତିକୁ ଆଞ୍ଚଳିକ ସ୍ତରରେ ପହଞ୍ଚାଇବା ନବୀନ ସରକାରଙ୍କର ଏକ ବଡ ପଦକ୍ଷେପ ବୋଲି ମନ୍ତ୍ରୀ ଶ୍ରୀଯୁକ୍ତ ସାହୁ ପ୍ରକାଶ କରିଥିଲେ । ଲୋକକଳାକୁ କିପରି ଭାବେ ବଞ୍ଚାଇ ରଖିବା ସେ ଉପରେ ଜିଲ୍ଲାପାଳ ଡ. ଟୁଡୁ ଗୁରୁତ୍ୱ ଦେଇଥିଲେ ।
