ମାଉଣ୍ଟ ମାଉଙ୍ଗାନୁଇ : ନ୍ୟୁଜିଲ୍ୟାଣ୍ଡ ଏବଂ ବାଂଲାଦେଶ କ୍ରିକେଟ୍ ଦଳ ମଧ୍ୟରେ ଚାଲିଥିବା ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ମ୍ୟାଚ୍ ଜାନୁୟାରୀ ୧ ରୁ ଜାନୁୟାରୀ ୫ ମଧ୍ୟରେ ମାଉଣ୍ଟ ମାଉଙ୍ଗାନୁଇର ବାଇ ଓଭାଲ ଗ୍ରାଉଣ୍ଡରେ ଖେଳାଯାଇଥିଲା । ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ରେ ବାଂଲାଦେଶ ଦଳ ଇତିହାସ ସୃଷ୍ଟି କରି ପ୍ରଥମ ଥର ପାଇଁ ନ୍ୟୁଜିଲାଣ୍ଡକୁ ନିଜ ମାଟିରେ ପରାସ୍ତ କରିଛି ।
ନ୍ୟୁଜିଲ୍ୟାଣ୍ଡ ବିପକ୍ଷ ଏହି ଐତିହାସିକ ବିଜୟରେ ବାଂଲାଦେଶୀ ଖେଳାଳିମାନେ ଅତ୍ୟନ୍ତ ଖୁସି ହୋଇଥିଲେ ଏବଂ ଡ୍ରେସିଂ ରୁମରେ କର୍ମଚାରୀଙ୍କ ସହ ସେମାନେ ଏହି ବିଜୟ ଉତ୍ସବ ପାଳିଥିଲେ । ନ୍ୟୁଜିଲ୍ୟାଣ୍ଡ ବିପକ୍ଷରେ ବିଜୟ ହାସଲ କରିଥିବା ବାଂଲାଦେଶୀ ଖେଳାଳିଙ୍କୁ ମଧ୍ୟ କ୍ରିକେଟ୍ ଦୁନିଆରେ ଉଚ୍ଚ ପ୍ରଶଂସା କରାଯାଉଛି । ଏହି ପର୍ଯ୍ୟାୟରେ କ୍ରିକେଟ୍ ଅଷ୍ର୍ଟ୍ରେଲିଆ ଏହାର ଅଫିସିଆଲ୍ ଟ୍ୱିଟର ଆକାଉଣ୍ଟରୁ ଖେଳାଳିଙ୍କ ଉତ୍ସବର ଏକ ଭିଡିଓ ସେୟାର କରିଛି ।
