ଦଶପଲ୍ଲା : ଗତକାଲି ସରକାରଙ୍କ ଦ୍ୱାରା ନିର୍ଦ୍ଧାରିତ ମାଟ୍ରିକ ପରୀକ୍ଷାର୍ଥୀ ମାନଙ୍କୁ ନେଇ ପରୀକ୍ଷା କରାଯାଇଥିଲା । ନୂତନ ପଦ୍ଧତି ଅନୁଯାୟୀ ସମେଟିଭ ଆସେସ୍ ମେଣ୍ଟ -୧ ର ଗଣିତ ବିଷୟ ଉପରେ ପରୀକ୍ଷା କରାଯାଇଥିଲା । ଦଶପଲ୍ଲା ଏନ୍ଏସି ଅନ୍ତର୍ଗତ ସମସ୍ତ ବିଦ୍ୟାଳୟରୁ ମୋଟ ୨୦୩୭ ଜଣ ଛାତ୍ରଛାତ୍ରୀ ଫର୍ମ ପୂରଣ କରିଥିବା ବେଳେ ସେଥି ମଧ୍ୟରୁ ୧୮୯୪ଜଣ ଛାତ୍ର ଛାତ୍ରୀ ପରୀକ୍ଷା ଦେଇଥିଲେ । ଅବଶିଷ୍ଟ ୧୪୩ଜଣ ଛାତ୍ରଛାତ୍ରୀ ଅନୁପସ୍ଥିତ ଥିଲେ । ସରକାରୀ କୋଭିଡ କଟକଣାକୁ ଆଖି ଆଗରେ ରଖି ଶିକ୍ଷକ ଶିକ୍ଷୟତ୍ରୀ ମାନେ ପିଲାଙ୍କୁ ବସିବା ପାଇଁ ଦୂରତ୍ୱ ବଜାୟ ରଖି ସ୍ଥାନ ନିରୂପଣ କରିଥିଲେ । ସମସ୍ତ ଶାନ୍ତି ଶୃଙ୍ଖଳାର ସହ ପରୀକ୍ଷା ଶେଷ ହୋଇଥିବା ପରୀକ୍ଷା ନିୟନ୍ତ୍ରକଙ୍କ ଠାରୁ ଜଣାଯାଇଛି । ଆଜିର ଅନୁପସ୍ଥିତ ତାଲିକା ଦିବା ୧୨.୩୦ ସମୟରେ ହସ୍ତଗତ ହେବ ।
