ଗଞ୍ଜାମ,୭/୧: ଗଞ୍ଜାମ ଜିଲ୍ଲାର ଡିଷ୍ଟ୍ରିକ୍ଟ ପ୍ଲମ୍ୱର ୱାର୍କମେନ୍ସ ଏସୋସିଏସନ ବୁଗୁଡ଼ା ଶାଖାର ସ୍ଥାୟୀ କାର୍ଯ୍ୟାଳୟ ନିମନ୍ତେ ଭିତ୍ତିପ୍ରସ୍ତର କୋଭିଡ ଗାଇଡ ଲାଇନ ଅନୁସାରେ ଅନୁଷ୍ଠିତ ହୋଇଯାଇଛି । ସ୍ଥାନୀୟ ବିଧାୟକ ତଥା ଜିଲ୍ଲା ଯୋଜନା ବୋର୍ଡ ଅଧ୍ୟକ୍ଷ ଶ୍ରୀକାନ୍ତ ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଭୂମିପୂଜନ କରିବାସହ ସମସ୍ତ ପ୍ରକାର ସହେଯାଗ କରିବେ ବୋଲି ମତବ୍ୟକ୍ତ କରିଥିଲେ । ଏସୋସିଏସନ କେନ୍ଦ୍ରୀୟ ସଭାପତି ସମାଜସେବୀ ସୁଶାନ୍ତ କୁମାର ସାବତ ବିଶିଷ୍ଟ ଅତିଥିଭାବେ ଯୋଗଦେଇ ସମସ୍ତଙ୍କ ସହଯୋଗ କାମନା କରିବାସହ କାର୍ଯ୍ୟାଳୟ ନିମନ୍ତେ ବିନାମୂଲ୍ୟରେ ଜାଗା ପ୍ରଦାନ କରିଥିବାରୁ ପୂର୍ବତନ ଉପ-ନଗରପାଳ ଚିତ୍ରସେନ ପ୍ରଧାନଙ୍କୁ ସାଧୁବାଦ ଦେବାସହ ମୁଖ୍ୟ ଅତିଥି ଶ୍ରୀ ସାହୁଙ୍କ ଦ୍ୱାରା ଅଙ୍ଗବସ୍ତ୍ର ପ୍ରଦାନ କରାଯାଇ ସମ୍ମାନିତ କରାଯାଇଥିଲା । ସମାଜସେବୀ ଧରଣୀଧର ପଣ୍ଡା , ପ୍ଲମ୍ୱର ସଂଘର କାର୍ଯ୍ୟକାରୀ ସଭାପତି ବିକ୍ରମ ସାହୁ, ସମ୍ପାଦକ ଟୁକୁନା ଗୌଡ, ଶାଖା ସଭାପତି କୃଷ୍ଣ ଦାସ, ଶାଖା ସମ୍ପାଦକ ଚିତ୍ତରଞ୍ଜନ ନାୟକ, କୋଷାଧ୍ୟକ୍ଷ କ୍ରୀଷ୍ଣା ପାତ୍ର, ପୀତବାସ ସାମନ୍ତ୍ରା, ଲକ୍ଷ୍ମୀ ନାରୟଣ, ଡି ସନ୍ତୋଷ ଦୋରା, ଶିବରାମ ନାୟକ ପ୍ରମୁଖଙ୍କ ସମେତ ବହୁ ବୁଦ୍ଧିଜୀବୀ ଓ ସଦସ୍ୟ ଅଂଶଗ୍ରହଣ କରିଥିଲେ ।
