ଶୋପିଆନ : କାଶ୍ମୀରର ଶୋପିଆନ ଅନ୍ତର୍ଗତ ରାମନଗରୀ ଅଞ୍ଚଳ । ଏବେ ଭୟଙ୍କର ତୁଷାରପାତ । ଘର,ରାସ୍ତା,ଗଛପତ୍ର ବରଫରେ ଢାଙ୍କିହୋଇ ରହିଛି । ବାହାରକୁ ବାହାରିବା ମୁସ୍କିଲ । କିନ୍ତୁ ଏଭଳି ଅବସ୍ଥାରେ ଜଣେ ଗର୍ଭବତୀ ମହିଳା ଜଙ୍ଗଲ ଅଞ୍ଚଳ ମଧ୍ୟଦେଇ ହସପିଟାଲକୁ ଯାଇ ଏକ ଶିଶୁପୁତ୍ରକୁ ଦେଇଛନ୍ତି । ତେବେ ଭାରତୀୟ ଯବାନଙ୍କ ସାହାଯ୍ୟ ଯୋଗୁ ଏହା ସମ୍ଭବ ହୋଇପାରିଥିଲା । ରାମନଗରୀରୁ ମହିଳାଙ୍କ ପରିବାର ସଦସ୍ୟ ହସପିଟାଲ ଯିବା ପାଇଁ ଆର୍ମିର ଚିନାର କର୍ପସର ସାହାଯ୍ୟ ଲୋଡ଼ିଲେ । ଫୋନ କଲ ପାଇବାମାତ୍ରେ ଯବାନମାନେ ଘରେ ପହଞ୍ଚି ମହିଳାଙ୍କୁ ଷ୍ଟ୍ରେଚରରେ ଦୀର୍ଘ ପଥ ଅତିକ୍ରମ କରି ପାଖ ହସପିଟାଲରେ ପହଞ୍ଚାଇଥିଲେ ଏବଂ ସେଠାରେ ମହିଳା ଜଣକ ଏକ ଶିଶୁପୁତ୍ରକୁ ଜନ୍ମ ଦେଇଥିଲେ । ଦେବଦୂତ ସାଜିଥିବା ଯବାନମାନଙ୍କୁ ସେ ଅଶେଷ ଆଶୀର୍ବାଦ ଦେଇଥିଲେ । ଏବେ ଏହି ଅଞ୍ଚଳରେ ମାଇନସ ଡିଗ୍ରୀ ସ୍ଥିତିରେ ରହିଛି ପାରଦ ।
