ପୁରୀ : ଭାରତ ରତ୍ନ ତଥା ଭାରତର ପ୍ରସିଦ୍ଧ କଣ୍ଠଶିଳ୍ପୀ ଲତା ମଙ୍ଗେସକର କୋଭିଡ଼ରେ ଆକ୍ରାନ୍ତ ହୋଇ ଏବେ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଆଇସିୟୁରେ ତାଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଇଛି । ତେବେ ଲତା ମଙ୍ଗେସକରଙ୍କ ଦ୍ରୁତ ଆରୋଗ୍ୟ କାମନା ସାରା ଦେଶ କରୁଥିବା ବେଳେ ବାଲୁକା ଚିତ୍ରକଲା ମାଧ୍ୟମରେ ମଧ୍ୟ ଦ୍ରୁତ ଆରୋଗ୍ୟ କାମନା କରିଛନ୍ତି ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ । ପୁରୀ ବେଳାଭୂମି ସେ ଏହି ବାଲୁକା ଚିତ୍ରକଳାଟି ଗଢିଥିବା ବେଳେ ମହାପ୍ରଭୁ ଶ୍ରୀଜଗନ୍ନାଥ ଲତା ମଙ୍ଗେସକରଙ୍କୁ ଶୀଘ୍ର ଠିକ କରିଦିଅନ୍ତୁ ବୋଲି ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପ୍ରାର୍ଥନା କରିଛନ୍ତି ।
