ଘୁ ଉଦୟଗିରି : ଆଗକୁ ତ୍ରିସ୍ତରୀୟ ପଞ୍ଚାୟତ ନିର୍ବାଚନ । ତା’ ପୂର୍ବରୁ ପୋଲିସ ପକ୍ଷରୁ ପ୍ରସ୍ତୁତି ଜୋରଦାର କରାଯାଇଛି । ନିର୍ବାଚନକୁ ଅବାଧ ନିରପେକ୍ଷ କରିବା ନିମନ୍ତେ ନିର୍ବାଚନ କମିଶନର ସ୍ପଷ୍ଟ କରିଥିବା ବେଳେ ସ୍ଥାନୀୟ ଆଇଆଇସି ରେବତୀ ଶବରଙ୍କ ନିର୍ଦ୍ଦେଶ କ୍ରମେ ଏସଆଇ ବଣ୍ଟି ବେହେରାଙ୍କ ନେତୃତ୍ୱରେ ପୋଲିସ ବାହିନୀ ଆଜି ସ୍ଥାନୀୟ ବ୍ଲକ ଅନ୍ତର୍ଗତ କଳିଙ୍ଗା କୁନ୍ଦାନାଜୁରେ ଥିବା ଏକ ଦେଶୀ ମହୁଲି ମଦ ଭାଟିରେ ଚଢ଼ାଉ କରି ୧୦୦ଲିଟରରୁ ଉର୍ଦ୍ଧ୍ୱ ପୋଚ ନଷ୍ଟ କରିବା ସହ ୪୦ଲିଟର ଦେଶୀ ମହୁଲି ମଦ ଜବତ କରିଛି । ଅଭିଯୁକ୍ତ ସୁଶୀଲ ପ୍ରଧାନ(୫୮)ନାମକ ବ୍ୟକ୍ତିଙ୍କୁ ଗିରଫ କରିଥିବା ଜଣାପଡ଼ିଛି । ଥାନା କେଶ ନଂ୮/୨୨ଧାରା୫୨(ଏ)ଓଡିଶା ଅବକାରୀ ଆଇନରେ ମାମଲା ରୁଜୁ କରି ଏଏସଆଇ ବିନୟ କୁମାର ମହାରଣଙ୍କୁ ତଦନ୍ତ ଦାୟିତ୍ୱ ଦିଆଯାଇଥିବା ଜଣାପଡିଛି ।
