ଘୁ ଉଦୟଗିରି : ଆକ୍ସନ ମୋଡରେ ଘୁ ଉଦୟଗିରି ପୋଲିସ । ଗତ ୩ ଦିନ ହେବ ସ୍ଥାନୀୟ ପୋଲିସ ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ କରି ମଦଭାଟି ଭାଙ୍ଗିବା ସହ ପୋଚ ନଷ୍ଟ କରିବା ଓ ଗିରଫ କରିବା ଜାରି ରହିଥିବା ବେଳେ ଆଜି ସ୍ଥାନୀୟ ଥାନା ଅଧିକାରୀ ରେବତୀ ଶବରଙ୍କ ନେତୃତ୍ୱରେ ମହିଳା ଏସଆଇ ସ୍ୱାଗତିକା ବେହେରାଙ୍କ ସମେତ ପୋଲିସ ବାହିନୀ ଘୁ ଉଦୟଗିରି ବ୍ଳକ ଅଧୀନରେ ଥିବା କଳିଙ୍ଗା ପଞ୍ଚାୟତର ଶଙ୍ଖସାହିରେ ଚାଲିଥିବା ଏକ ଜୁଆ ଆଡ୍ଡା ଉପରେ ଚଢ଼ାଉ କରି ୩ ଜଣଙ୍କୁ ଗିରଫ କରିବା ସହିତ ୩ଟି ବାଇକ ଜବତ କରିବା ସହିତ ୨ଟି ମୋବାଇଲ ଓ ୧୩୭୪୦ ଟଙ୍କା ଜବତ କରାଯାଇଛି । ସେହିପରି ଜଣେ ଫେରାର ହୋଇଥିବା ବେଳେ ଗିରଫ କରିଥିବା ବ୍ୟକ୍ତିମାନେ ହେଲେ ବଳରାମ ମଲ୍ଲିକ,ଚୁଆସହି କଳିଙ୍ଗା, ଶାନ୍ତନୁ ବିଶୋୟୀ, କୋଚିଲାଗଡ ଟିକାବାଲି, ଆକାଶ ଦିଗାଲ ଡୁଙ୍ଗି ଟିକାବାଲି । ଘୁ ଉଦୟଗିରି ଥାନା କେଶ ନମ୍ବର ୧୧/୨୨ ରେ ଏକ ମାମଲା ରୁଜୁ କରି ଏସ ଆଇ ଅନନ୍ତ ପ୍ରଧାନଙ୍କୁ ତଦନ୍ତ ଦାୟିତ୍ୱ ଦେଇଥିବା ସୂଚନା ରହିଛି ।
