ବୌଦ୍ଧ,୧୮/୧ – ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପାଇଁ ଆଜି ଦ୍ୱିତୀୟ ଦିନରେ ବୌଦ୍ଧଜିଲ୍ଲାରେ ୧୧୪ ଜଣ ବିଭିନ୍ନ ପଦବୀ ପାଇଁ ନାମାଙ୍କନ ପତ୍ର ଦାଖଲ କରିଛନ୍ତି । ବୌଦ୍ଧଜିଲ୍ଲା ହରଭଙ୍ଗା ବ୍ଲକରେ ଆଜି ମୋଟ ୩୯ଟି ନାମାଙ୍କନ ପତ୍ର ମଧ୍ୟରୁ ୱାର୍ଡମେମ୍ବର ପାଇଁ ୩୦ ଜଣ, ସରପଞ୍ଚ ୫ଜଣ ଓ ସମିତିସଭ୍ୟ ପାଇଁ ୪ଜଣଙ୍କ ନାମାଙ୍କନ ପତ୍ର ଦାଖଲ ହୋଇଛି । ସେହିପରି ବୌଦ୍ଧବ୍ଲକରୁ ୩୯ଜଣ ନାମାଙ୍କନ ଭରିଛନ୍ତି । ସେଥିମଧ୍ୟରୁ ୱାର୍ଡମେମ୍ବର ୩୪, ସରପଞ୍ଚ ୨ ଓ ସମିତିସଭ୍ୟ ପାଇଁ ୩ଜଣ ନାମାଙ୍କନ ପତ୍ର ଦାଖଲ କରିଛନ୍ତି । କଣ୍ଟାମାଳ ବ୍ଲକରୁ ୩୬ ଜଣ ନାମାଙ୍କନ ପତ୍ର ଦାଖଲ କରିଥିବାବେଳେ ୱାର୍ଡମେମ୍ବର ପାଇଁ ୩୩, ସରପଞ୍ଚ ପଦବୀ ପାଇଁ ୩ ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ଆଜି ମଧ୍ୟ ଜିଲ୍ଲା ପରିଷଦ ସଭ୍ୟ ପାଇଁ ଜଣେ ହେଲେ ନାମାଙ୍କନ ପତ୍ର ଦାଖଲ କରିନଥିବା ଜଣାପଡିଛି । ଆଜି ସୁଦ୍ଧା ବୌଦ୍ଧଜିଲ୍ଲାରେ ତ୍ରିସ୍ତରୀୟ ପଞ୍ଚାୟତିରାଜ ନିର୍ବାଚନ ପାଇଁ ମୋଟ ୧୮୦ଟି ନାମାଙ୍କନ ପତ୍ର ଦାଖଲ ହୋଇଛି ।
