କଣ୍ଟାବାଞ୍ଜି : ନିର୍ବାଚନ ମଣ୍ଡଳୀ କଣ୍ଟାବାଞ୍ଜିର ବିଭିନ୍ନ ଜୋନ ପାଇଁ ଜିଲ୍ଲା ପରିଷଦ ପ୍ରାର୍ଥୀ ପ୍ରେସ ବିଜ୍ଞପ୍ତି ମାଧ୍ୟମରେ ଘୋଷଣା କରିଛନ୍ତି ରାଜ୍ୟ ବିଜେଡି ସାଧରଣ ସମ୍ପାଦକ ଆୟୁବ ଖାଁ । ତୁରିକେଲା ବ୍ଲକ ୧୦ ନମ୍ବର ଜୋନରେ ଶ୍ରୀମତି ସମା ପରବିନ ବିଜୁ ଜନତା ଦଳର ଟିକେଟ ପାଇଥିବା ବେଳେ,୧୧ ନମ୍ବର ଜୋନରେ ପୁରଷୋତ୍ତମ କୂଅରକୁ ଟିକେଟ ମିଳିଛି । ସେହିପରି ବଙ୍ଗୋମୁଣ୍ଡା ବ୍ଲକର ୨୦ ନମ୍ବର ଜୋନ ପାଇଁ ବିଶ୍ୱରାମ ହିଆଲ,୨୧ନମ୍ବର ଜୋନରେ ଚିରଞ୍ଜିବି ଜାଲ, ମୁରିବାହାଲ ୨୭ନମ୍ବର ଜୋନ ପାଇଁ ଗୁଡିଘାଟ ପୂର୍ବତନ ସରପଞ୍ଚ ଶ୍ରୀମତି ମିଥିଲା ମାଂଝିକୁ ଟିକେଟ ଦିଆଯାଇଛି । ସେହିପରି ୨୮ ନମ୍ବର ଜୋନ ପାଇଁ ପ୍ରାର୍ଥୀଙ୍କ ନା ଫାଇନାଲ ନ ହୋଇଥିବାରୁ ୨୯ ନମ୍ବର ଜୋନ ପାଇଁ ଡୋଳାମାଣି ବାଗକୁ ପରିଷଦ ପ୍ରାର୍ଥୀ ଘୋଷଣା କରିଛନ୍ତି ରାଜ୍ୟ ସାଧରଣ ସମ୍ପାଦକ । ଅନ୍ୟପକ୍ଷରେ ୧୧ ନମ୍ବର ଜୋନରେ କଂଗ୍ରେସ ପକ୍ଷରୁ କୌଶିକ ମେହେର ଜିଲ୍ଲା ପରିଷଦ ପ୍ରାର୍ଥୀ ରହିଥିବାରୁ ଏହା ଗୋଟିଏ ଚାଲେଞ୍ଜ ରହିବ । ୭ଟି ଆସନ ସମ୍ପୂର୍ଣ୍ଣ ବିଜୁ ଜନତା ଦଳର ବୋଲି କହିଛନ୍ତି । ୨୦ ଓ ୨୧ ତାରିଖରେ ଘୋଷିତ ପ୍ରାର୍ଥୀ ଉପଜିଲ୍ଲାପାଳଙ୍କ ନିକଟରେ ବିନା ଆଡମ୍ବରରେ କୋଭିଡ କଟକଣା ଅନୁଯାୟୀ ସେମାନଙ୍କ ପ୍ରାର୍ଥୀପତ୍ର ଦାଖଲ କରିବାକୁ ଦଳ ପକ୍ଷରୁ ପ୍ରକାଶ ପାଇଛି ।
