ବୌଦ୍ଧ,୨୦/୧:- ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଆଜି ବୌଦ୍ଧଜିଲ୍ଲା ହରଭଙ୍ଗା ବ୍ଲକରେ ମୋଟ ୨୦୬ଟି ନାମାଙ୍କନ ପତ୍ର ଦାଖଲ ହୋଇଥିବାବେଳେ ସେମାନଙ୍କ ମଧ୍ୟରୁ ୱାର୍ଡମେମ୍ବର ପାଇଁ ୧୩୩ ଜଣ, ସରପଞ୍ଚ ୩୮ଜଣ ଓ ସମିତିସଭ୍ୟ ପାଇଁ ୩୩ ଜଣ ଓ ଜିଲ୍ଲା ପରିଷଦ ସଭ୍ୟ ପାଇଁ ୨ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ସେହିପରି ବୌଦ୍ଧବ୍ଲକରୁ ୨୨୭ଜଣ ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି । ସେଥିମଧ୍ୟରୁ ୱାର୍ଡମେମ୍ବର ପଦବୀ ପାଇଁ ୧୫୯, ସରପଞ୍ଚ ୩୯ ଓ ସମିତିସଭ୍ୟ ପାଇଁ ୨୫ ଜଣ, ଜିଲ୍ଲାପରିଷଦ ସଭ୍ୟ ପାଇଁ ୪ଜଣ ନାମାଙ୍କନ ପତ୍ର ଦାଖଲ କରିଛନ୍ତି । କଣ୍ଟାମାଳ ବ୍ଲକରୁ ୨୧୭ ଜଣ ନାମାଙ୍କନ ପତ୍ର ଦାଖଲ କରିଥିବାବେଳେ ୱାର୍ଡମେମ୍ବର ପାଇଁ ୧୫୦ ଜଣ, ସରପଞ୍ଚ ପଦବୀ ପାଇଁ ୩୫ ଜଣ ଓ ସମିତିସଭ୍ୟ ପାଇଁ ୨୭ଜଣ ଓ ଜିଲ୍ଲା ପରିଷଦ ସଭ୍ୟ ପାଇଁ ୫ଜଣ ନାମାଙ୍କନ ପତ୍ର ଦାଖଲ କରିଥିବା ଜଣାପଡିଛି ।
