ବୌଦ୍ଧ,୨୨/୧- ଇରିଗେସନ କଲୋନୀ ଗାଈଗୋଠ ପଡିଆ ପରିଚୟ ଗୃହରେ ଜାଗା ସମ୍ପର୍କ କାର୍ଯ୍ୟକ୍ରମ ଓ ସାହି ବସ୍ତିବାସିନ୍ଦାଙ୍କ ଦ୍ୱାରା ଆୟୋଜନ କରାଯାଇଥିଲା । ଏହି ସଭାରେ ବସ୍ତି ଉନ୍ନୟନ ସଂଘର ସଭାନେତ୍ରୀ ମିନାକ୍ଷୀ ବିଶ୍ୱାଳ କାର୍ଯ୍ୟକ୍ରମ ପରିଚାଳନା କରିଥିଲେ । କାର୍ଯ୍ୟକ୍ରମ ଶେଷରେ ବସ୍ତି ସଂଘର ସମ୍ପାଦିକା ପୁଷ୍ପାଞ୍ଜଳି ଦରୱାନ ଧନ୍ୟବାଦ ଅର୍ପଣ କରିଥିଲେ । ମଂଚାସୀନ ଅତିଥି ମାନଙ୍କ ମଧ୍ୟରେ କୋଷାଧ୍ୟକ୍ଷ ସୁବାସିନୀ ରାଜହଂସ, ସଂଯୁକ୍ତା ଆଚାର୍ଯ୍ୟ, ସୁଷମା ବେହେରା, ପ୍ରବୀଣା ବାରିକ, ସେହେରାଜ ବିବି ଉପସ୍ଥିତ ରହି ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ । ବସ୍ତି ବାସିନ୍ଦା ସଂଘର ଦକ୍ଷତା ବୃଦ୍ଧିପାଇଁ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି ଉପଲକ୍ଷେ ଛାତ୍ରୀମାନେ ବନ୍ଦେ ଉତ୍କଳ ଜନନୀ ପରିବେଷଣ କରିବା ସହ ସମ୍ବଲପୁରୀ ନୃତ୍ୟ ପରିବେଷଣ କରିଥିଲେ । ଏହି କାର୍ଯ୍ୟକ୍ରମରେ ଖଦାଲସାହି ବସ୍ତି, ବୁଦ୍ଧଦେବ ସାହି ବସ୍ତି, ବାବୁ ସାହି ଓ ଆଖ ପାଖ ବସ୍ତି ବାସିନ୍ଦା ମଧ୍ୟ ଯୋଗଦେଇଥିଲେ ।
