ଆଠମଲ୍ଲିକ : ଆଜି ଆଠମଲ୍ଲିକର ବ୍ଲକ ସଭାଘରେ ଜାତୀୟ ଭୋଟର ଦିବସ ପାଳନ କରାଯାଇଥିଲା । ମୁଖ୍ୟ ଅତିଥି ରୂପେ ଉପଜିଲ୍ଲାପାଳ ଲଳିତମୋହନ ବେହେରା, ବିଡ଼ିଓ ସନ୍ତୋଷ କୁମାର ସାହୁ, ତହସିଲଦାର ଶ୍ରୀମତୀ ସୋଫି ସୈନିକା , ବିଜ୍ଞାପିତ ଅଂଚଳର ନିର୍ବାହୀ ଅଧିକାରୀ ଶ୍ରୀମତୀ କାଦମ୍ବିନୀ ଜେନା । ଉପଖଣ୍ଡ ସୂଚନା ଓ ଲୋକସମ୍ପର୍କ ଅଧିକାରୀ କୁଳମଣି ଦଳେଇ ସଭା ପରିଚାଳନ କରିଥିଲେ । ଉପଜିଲାପାଳ ବେହେରା ମତଦାନ ଦେବା ଅଧିକାର ବିଷୟରେ ଉପସ୍ଥିତ ଥିବା ବି ଏଲୋଓ ଓ ସମସ୍ତ ନୂଆ ଭୋଟରମାନଙ୍କୁ ସୂଚନା ଦେଇଥିଲେ ।ତତ ସହିତ ଉଚିତ ବ୍ୟକ୍ତିଙ୍କୁ ଭୋଟ ଦେବା ଓ କୌଣସି ପ୍ରଲୋଭନରେ ନପଡିବା ପାଇଁ ସୂଚାଇଥିଲେ । ଉକ୍ତ ସଭାରେ ଭଲ କାମ କରିଥିବା ବିଏଲୋମାନଙ୍କୁ ଟ୍ରଫି ସହିତ ପ୍ରଶଂସାପତ୍ର ଦେବା ସହିତ ନୂଆ ଭୋଟର ମାନଙ୍କୁ ଭୋଟର ପରିଚୟ କାର୍ଡ ପ୍ରଦାନ କରିଥିଲେ । ଉକ୍ତ ସଭାରେ ଅନେକ ଶିକ୍ଷକ ଶିକ୍ଷୟତ୍ରୀ, ଛାତ୍ର ଛାତ୍ରୀ କର୍ମଚାରୀ ଯୋଗଦେଇଥିଲେ ।
