ପୁରୀ : ପୁରୀ ଜିଲ୍ଲା ଅସ୍ତରଙ୍ଗ ଥାନା ଅନ୍ତର୍ଗତ ତାଳଦା ପଂଚାୟତ ଏଡବାଂସ ଗ୍ରାମରୁ ନିଖୋଜ ବିଜୟ ପରିଡା ନାମକ ଜଣେ ଯୁବକଙ୍କ ମୃତଦେହ ତାଳଦା ଗାଁ ନିକଟ ସରକାରୀ ମଦ ଦୋକାନ ପଛପଟ ଏକ ବିଲରୁ ଉଲଗ୍ନ ମୃତ ଦେହ ଉଦ୍ଧାର ଘଟଣାକୁ ଦେଢ଼ ମାସ ପରେ ମଧ୍ୟ ବିଜୟଙ୍କ ମୃତ୍ୟୁର ରହସ୍ୟ ଉନ୍ମୋଚନ ନହେବା ପ୍ରତିବାଦରେ ବିଜୟଙ୍କ ପତ୍ନୀ କୁନିଲତା ତାଙ୍କ ୮ବର୍ଷ ପୁଅ ୭ମାସର ଝିଅକୁ ଧରି ତାଙ୍କ ପରିବାର ସମେତ ଗ୍ରାମବାସୀ ମାନେ ନ୍ୟାୟ ଦାବୀରେ ଅସ୍ତରଙ୍ଗ ଥାନା ସମ୍ମୁଖରେ ଧାରଣା ଦେଇଛନ୍ତି । ବିଜୟଙ୍କ ମୃତ୍ୟ ଘଟଣାରେ ତାଙ୍କ ପତ୍ନୀ ଅସ୍ତରଙ୍ଗ ଥାନାରେ ହତ୍ୟା ଅଭିଯୋଗ କରିଥିଲେ । ମୃତ ବିଜୟଙ୍କ ପତ୍ନୀଙ୍କ ଅଭିଯୋଗ ଅନୁଯାୟୀ ବିଜୟ ଜଣେ ଠିକାଦାରଙ୍କ ପାଖରେ ସୁନ୍ଦରଗଡ଼ରେ କାମ କରୁଥିଲେ । କିଛିଦିନ ହେଲା ଗାଁ କୁ ଆସି ଘରେ ଥିଲେ । ଗତ ୧୮ ତାରିଖରେ ଅସ୍ତରଙ୍ଗ ପୋଲିସ ଓ ସାଇଣ୍ଟେଫିକ ଟିମ ଦ୍ୱାରା ବିଜୟଙ୍କ ମୃତଦେହ ଉଦ୍ଧାର କରିଥିଲେ ।ଏପର୍ଯ୍ୟନ୍ତ ପୋଲିସ ନ୍ୟାୟ ନଦେବାକୁ ନେଇ ଶତାଧିକ ମହିଳା ପୁରୁଷ ଦେଲେ ଧାରଣା ଦେଇଛନ୍ତି ।
