ନୂଆଦିଲ୍ଲୀ : ଶ୍ରୀଲଙ୍କା ଦଳ ଚଳିତ ମାସ ଶେଷରେ ଭାରତ ଗସ୍ତରେ ଆସି ଟେଷ୍ଟ ସିରିଜ୍ ଖେଳିବା ସହ ତିନୋଟି ଅନ୍ତର୍ଜାତୀୟ ଟି-୨୦ ମ୍ୟାଚ ଖେଳିବ । ଏହି ସିରିଜ୍ ପରେ ଶ୍ରୀଲଙ୍କା ଦଳର ଜଣେ ଖେଳାଳି ଅବସର ନେବାକୁ ଯାଉଛନ୍ତି । ଏହି ମାସର ଭାରତ ଗସ୍ତ ପରେ ଶ୍ରୀଲଙ୍କାର ବରିଷ୍ଠ ଦ୍ରୁତ ବୋଲର ସୁରଙ୍ଗା ଲାକମଲ ସମସ୍ତ ପ୍ରକାର ଅନ୍ତର୍ଜାତୀୟ କ୍ରିକେଟରୁ ଅବସର ନେବେ । ଫେବୃଆରୀ ୨୫ ରୁ ଭାରତ ଗସ୍ତରେ ଶ୍ରୀଲଙ୍କା ଦୁଇଟି ଟେଷ୍ଟ ଏବଂ ତିନୋଟି ଟି -୨୦ ଅନ୍ତର୍ଜାତୀୟ ଖେଳିବାର କାର୍ଯ୍ୟକ୍ରମ ରହିଛି ।
ପୂର୍ବତନ ଟେଷ୍ଟ ଅଧିନାୟକ ସୁରଙ୍ଗା ଲାକମାଲ ବର୍ତ୍ତମାନ ୩୪ ବର୍ଷ ବୟସରେ ଶ୍ରୀଲଙ୍କା ପାଇଁ ୬୮ ଟି ଟେଷ୍ଟ, ୮୬ ଦିନିକିଆ ଅନ୍ତର୍ଜାତୀୟ ଏବଂ ୧୧ ଟି -୨୦ ଅନ୍ତର୍ଜାତୀୟ ଖେଳିଛନ୍ତି । ଶ୍ରୀଲଙ୍କା କ୍ରିକେଟ୍ (ଏସଏଲସି) ଏକ ବିବୃତ୍ତିରେ କହିଛି ଯେ ଶ୍ରୀଲଙ୍କାର ଟେଷ୍ଟ ଅଧିନାୟକ ସୁରଙ୍ଗା ଲାକମଲ ଶ୍ରୀଲଙ୍କା କ୍ରିକେଟ୍କୁ ସୂଚନା ଦେଇଛନ୍ତି ଯେ ଶ୍ରୀଲଙ୍କାର ଆଗାମୀ ଭାରତ ଗସ୍ତ ସମାପ୍ତ ହେବା ପରେ ସେ ସମସ୍ତ ପ୍ରକାର ଆନ୍ତର୍ଜାତୀୟ କ୍ରିକେଟ୍ ରୁ ଅବସର ନେବେ ।
ଲାକମଲ ଏସଏଲସିଙ୍କୁ ଲେଖିଥିବା ଏକ ପତ୍ରରେ କହିଛନ୍ତି, “ମୋତେ ଏହି ଚମତ୍କାର ସୁଯୋଗ ଦେଇଥିବାରୁ ଏବଂ ମାତୃଭୂମିର ସେବା କରିବାକୁ ମୋତେ ବିଶ୍ୱାସ କରିଥିବାରୁ ମୁଁ ଏସଏଲସିକୁ କୃତଜ୍ଞା ଜଣାଉଛି । ବୋର୍ଡ ସହିତ ଜଡିତ ହେବା ଏକ ଆନନ୍ଦଦାୟକ ବିଷୟ ଯାହା ମୋର ବୃତ୍ତିଗତ ଜୀବନକୁ ଆକୃଷ୍ଟ କରିଛି । ମୋର ସମସ୍ତ ସାଥୀ ଖେଳାଳି, କୋଚ୍, ଟିମ୍ ମ୍ୟାନେଜର, ସପୋର୍ଟ ଷ୍ଟାଫ୍, ଆଡମିନିଷ୍ର୍ଟ୍ରେଟିଭ୍ ଷ୍ଟାଫ୍ ଏବଂ ଅନ୍ୟ ସମସ୍ତ ସପୋର୍ଟ ଷ୍ଟାଫ୍ଙ୍କ ପ୍ରତି ମୋର ଅତ୍ୟଧିକ ସମ୍ମାନ ରହିଛି ।
