ଭୁବନେଶ୍ୱର : ସରଛି ପଞ୍ଚାୟତ ନିର୍ବାଚନ, ଶେଷ ହେଲା ଫଳାଫଳ ଘୋଷଣା । ଆଜି ସମସ୍ତ ୮୫୧ ଜିଲ୍ଲା ପରିଷଦ ଜୋନର ନିର୍ବାଚନୀ ଫଳାଫଳ ଘୋଷଣା କରିଛନ୍ତି ରାଜ୍ୟ ନିର୍ବାଚନ କମିଶନର । ଘୋଷଣା ଅନୁଯାୟୀ ଶାସକ ବିଜେଡି ତା’ର ସବୁ ରେକର୍ଡ ଭାଙ୍ଗି ୭୬୫ ଜୋନରେ ବିଜୟୀ ହୋଇଛି । ଗତ ୨୦୧୭ ନିର୍ବାଚନ ଦଳ ୪୭୬ଟି ଆସନରେ ବିଜୟୀ ହୋଇ ୨୧ଟି ଜିଲ୍ଲାରେ ଜିଲ୍ଲା ପରିଷଦ ଅଧ୍ୟକ୍ଷ ପଦ ହାତେଇଥିବା ବେଳେ ବିଜେପି ୮ ଓ ଗୋଟିଏ ଥରେ କଂଗ୍ରେସ ଜିଲ୍ଲା ପରିଷଦ ଅଧ୍ୟକ୍ଷ ଆସନ ହାତେଇବାରେ ସଫଳ ହୋଇଥିଲା । ଏଥର କିନ୍ତୁ ବିଜେଡି ସବୁ ରେକର୍ଡ ଭାଙ୍ଗି ସମସ୍ତ ଜିଲ୍ଲାରେ ଜିଲ୍ଲା ପରଷଦ ଗଢିବାରେ ସକ୍ଷମ ହେବ । ଆଜି ଘୋଷଣା ହୋଇଥିବା ୮୫୧ ଜିଲ୍ଲା ପରିଷଦ ଆସନରୁ ବିଜେପି ୪୨ଟି ପାଇ ଦ୍ୱିତୀୟ ସ୍ଥାନରେ ଥିବା ବେଳେ କଂଗ୍ରେସ ୩୭ଟି ଆସନ ପାଇଁ ପୂର୍ବପରି ତୃତୀୟ ସ୍ଥାନରେ ରହିଛି । ସେହିପରି ୭ଟି ଜୋନରେ ସ୍ୱାଧୀନ ଓ ଅନ୍ୟାନ୍ୟ ଦଳ ପ୍ରାର୍ଥୀ ବିଜୟୀ ହୋଇଛନ୍ତି ।
