ଭୁବନେଶ୍ୱର: ଭୁବନେଶ୍ୱରର ମହାପ୍ରଭୁ ଶ୍ରୀଲିଙ୍ଗରାଜ ସମେତ ରାଜ୍ୟର ବିଭିନ୍ନ ଶୈବ ପୀଠଗୁଡ଼ିକରେ ଆଜି ଶାନ୍ତିଶୃଙ୍ଖଳାର ସହ ଏବଂ କୋଭିଡ କଟକଣା ମଧ୍ୟରେ ମହାଶିବରାତ୍ରି ତଥା ଜାଗର ପାଳିତ ହୋଇଯାଇଛି । ମହାଶିବରାତ୍ରି ପାଇଁ ଶୈବପୀଠଗୁକରେ ବ୍ୟାପକ ସୁରକ୍ଷା ବ୍ୟବସ୍ଥା କରାଯାଇଥିଲା । ଶ୍ରୀଲିଙ୍ଗରାଜ ମନ୍ଦିରରେ ଆଜି ଭୋରଠାରୁ ଲକ୍ଷାଧିକ ଭକ୍ତଙ୍କ ସମାଗମ ହୋଇଥିଲା । ଭକ୍ତ ଓ ଶ୍ରଦ୍ଧାଳୁମାନେ ପ୍ରଭୁ ଲିଙ୍ଗରାଜଙ୍କୁ ଦର୍ଶନ କରି ଆଶୀର୍ବାଦ ନେଇଛନ୍ତି । ସନ୍ଧ୍ୟା ପର ଠାରୁ ମନ୍ଦିର ପରିସର ଲୋକାରଣ୍ୟ ହୋଇ ଉଠିଥିଲା । ଶ୍ରୀଲିଙ୍ଗରାଜ ମନ୍ଦିରରେ ରାତି ୧୦.୨୨ ସମୟରେ ମହାଦୀପ ଉଠିଥିଲା । ନିର୍ଦ୍ଧାରିତ ସମୟରୁ ୨୨ ମିନିଟ ବିଳମ୍ବରେ ମହାଦୀପ ଉଠିଥିଲା । ସେହିପରି ଅନ୍ୟ ଶୈବପୀଠଗୁଡ଼ିକ ନିର୍ଦ୍ଧାରିତ ସମୟରେ ମହାଦୀପ ଉଠିଥିଲା । କୋଭିଡ କଟକଣା ସେ ୍ୱ ବିଭିନ୍ନ ଶୈବପୀଠରେ ଭକ୍ତ ତଥା ଶ୍ରଦ୍ଧାଳୁମାନଙ୍କୁ ବେଶ୍ ସମାଗମ ଦେଖିବାକୁ ମିଳିଥିଲା । ଭକ୍ତମାନେ ବେଶ୍ ଶୃଙ୍ଖଳିତଭାବେ ଆସି ଦିଅଁ ଦର୍ଶନ କରିଥିଲେ ।
