ଫୁଲବାଣୀ:-କନ୍ଧମାଳ ଜିଲ୍ଲା ଏମସିଏସ ମହାବିଦ୍ୟାଳୟରେ ପ୍ରାଧ୍ୟାପକ ଦୀନବନ୍ଧୁ ମହାନ୍ତି ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି । ଏନେଇ ମହାବିଦ୍ୟାଳୟର ଅଧ୍ୟାପକ ଅଧ୍ୟାପିକା ଓ କର୍ମଚାରୀ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ । ପ୍ରାଧ୍ୟାପକ ମହାନ୍ତି ଦାୟିତ୍ୱ ଗ୍ରହଣ ପରେ ଟିକାବାଲି ଏବଂ ଆଖପାଖ ଜନସାଧାରଣ ଉତ୍ସାହିତ ହୋଇ ଶୁଭେଛା ଜଣାଇଥିଲେ । ତାଙ୍କ ପ୍ରତିକ୍ରିୟାରେ କହିଲେ ଏ ମହାବିଦ୍ୟାଳୟକୁ କନ୍ଧମାଳର ସର୍ବଶ୍ରେଷ୍ଠ ଅନୁଷ୍ଠାନ ଭାବରେ ଗଢି ତୋଳିବି ଏବଂ ଛାତ୍ରଛାତ୍ରୀ ଉପଯୁକ୍ତ ଶିକ୍ଷା ପାଇ ସାରିବା ପରେ କର୍ମ ନିଯୁକ୍ତି କିପରି ପାଇବେ ଏବଂ ନିଜେ ସ୍ୱାବଲମ୍ବୀ ହୋଇ ପାରିବେ ଏଥିପ୍ରତି ଅଧିକ ଧ୍ୟାନ ଦେବି । କଲେଜର କର୍ମଚାରୀ ଟିକବାଲିର ଜନସାଧାରଣ ଛାତ୍ରଛାତ୍ରୀ ମୋ ଉପରେ ଯେଉଁ ଭରସା ରଖିଛନ୍ତି ତାହା ପୂରଣ କରିବି ବୋଲି ଶ୍ରୀ ମହାନ୍ତି ସଂକଳ୍ପ କରିଥିଲେ ।
