କିଆକଟା : ତ୍ରିସ୍ତରୀୟ ପଞ୍ଚାୟତ ନିର୍ବାଚନ ଇତି ମଧ୍ୟରେ ଶେଷ ହେବା ସହ ଫଳାଫଳ ମଧ୍ୟ ଘୋଷଣା ହୋଇଛି । ଗତକାଲି ନାଏବ ସରପଞ୍ଚ ନିର୍ବାଚନ ଥିବା ବେଳେ ଆଜି ବ୍ଲକ ଅଧ୍ୟକ୍ଷ ପଦପାଇଁ ରାଜ୍ୟର ସମସ୍ତ ବ୍ଲକରେ ନିର୍ବାଚନ ହୋଇଥିଲା । ଏହି ଅବସରରେ ଅନୁଗୋଳ ଜିଲ୍ଲା ଆଠମଲ୍ଲିକରେ ମଧ୍ୟ ବ୍ଲକ ଅଧ୍ୟକ୍ଷ ନିର୍ବାଚନ ହୋଇଥିଲା । ଏହି ପରୋକ୍ଷ ନିର୍ବାଚନରେ ବ୍ଲକର ସମସ୍ତ ପଞ୍ଚାୟତର ସମିତି ସଭ୍ୟମାନେ ଅଂଶଗ୍ରହଣ କରିଥିଲେ ।ଆଠମଲ୍ଲିକର ନୂତନ ଅଧ୍ୟକ୍ଷ ଭାବେ ଟୁସର ଗ୍ରାମ ପଞ୍ଚାୟତର ସମିତି ସଭ୍ୟ ଦୁଃଶାସନ ରାଉଳ ନିର୍ବାଚିତ ହୋଇଛନ୍ତି । ବିଜୟ ପରେ ସେ କିଆକଟା ପଞ୍ଚାୟତର ସମିତି ସଭ୍ୟା ସୁଶ୍ରୀତା କର୍ଣ୍ଣଙ୍କ ସହ ପଞ୍ଚାୟତ ପରିକ୍ରମା କରିଥିଲେ । ଏହି ଅବସରରେ ତାଙ୍କୁ ବିପୁଳ ସମର୍ଥନ ମିଳିଥିଲା । ଏହି ଶୋଭାଯାତ୍ରାରେ କିଆକଟା ପଞ୍ଚାୟତର ସମିତି ସଭ୍ୟା ସୁଶ୍ରୀତା କର୍ଣ୍ଣଙ୍କ ସ୍ୱାମୀ ପ୍ରତାପ ଚନ୍ଦ୍ରଙ୍କ ସମେତ ବହୁ ସମର୍ଥକ ସାମିଲ ହୋଇଥିଲେ ।
