ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକ ପରିସରରେ ଥିବା କନଫେରେନ୍ସ ହଲଠାରେ ବ୍ଳକ ଉପାଧ୍ୟକ୍ଷ । ସକାଶେ ବିଜେଡି ସମର୍ଥିତ ସମିତି ସଭ୍ୟା ଏସ ଅନୁସାୟା ଦେବୀ ନାମାଙ୍କନପତ୍ର ଦାଖଲ କରିଥିଲେ । ଆଉ କୌଣସି ସଭ୍ୟ, ସଭ୍ୟା ଉକ୍ତ ପଦ ପାଇଁ ନାମାଙ୍କନ ପତ୍ର ଦାଖଲ କରି ନ ଥିବାରୁ ଶେଷରେ ନିର୍ବାଚନ ଅଧିକାରୀ ଏସ ଅନୁସାୟା ଦେବୀ ନିର୍ଦ୍ୱନ୍ଦରେ ନିର୍ବାଚିତ ହେଲେ ବୋଲି ଘୋଷଣା କରିଥିଲେ । ଏହି ନିର୍ବାଚନ କାର୍ଯ୍ୟରେ ଗ୍ରାମ ପଞ୍ଚାୟତ ଅଫିସର ଦୁର୍ଗା ପ୍ରସାଦ ରାଣା ସହଯୋଗ କରିଥିଲେ । ଉପାଧ୍ୟକ୍ଷ ପଦବୀ ଘୋଷଣା ହେବା ପରେ ବିଜେଡିର ବରିଷ୍ଠ ନେତା ଡକ୍ଟର ତ୍ରିପତି ପାଣିଗ୍ରାହୀ ବ୍ଳକର ସମସ୍ତ ସମିତି ସଭ୍ୟ ଓ ସଭ୍ୟାଙ୍କୁ ଉପଢୌକନ ପୁଷ୍ପଗୁଚ୍ଛ ଦେଇ ସମ୍ମାନୀତ ଓ ସ୍ୱାଗତ ଜଣାଇଥିଲେ । ବିଜୟ ଲାଭ ପରେ ଉପାଧ୍ୟକ୍ଷା ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ କଣାଇବା ସହ ସରକାରଙ୍କର ଲୋକାଭିମୁଖୀ ଯୋଜନା ପ୍ରକୃତ ହିତାଧିକାରୀ ପାଖରେ ପହଞ୍ଚି ପାରିବ ଓ ସଫଳ ରୂପାୟନ ହୋଇପାରିବ ବ୍ଳକର ବିକାଶ ଦିଗରେ କାର୍ଯ୍ୟ ଆଗେଇବ ତା ଉପରେ ମତବ୍ୟକ୍ତ କରିଥିଲେ ।ନବ ନିର୍ବାଚିତ ଉପାଧ୍ୟକ୍ଷା ଏସ ଅନୁସୂୟା ଦେବୀଙ୍କୁ ପୁଷ୍ପଗୁଚ୍ଛ ଓ ପୁଷ୍ପମାଳ ଦେଇ ସ୍ୱାଗତ ଜଣାଇଥିଲେ ।
