ନବରଙ୍ଗପୁର:ନବରଙ୍ଗପୁର ପୌର ପାଳିକା ନିର୍ବାଚନରେ ସହାୟତା ପ୍ରଦାନ କରିବା ପାଇଁ ଆଦର୍ଶ ସ୍ନାତକ ମହା ବିଦ୍ୟାଳୟର ୨୯ଜଣ ଜାତୀୟ ସେବା ଯୋଜନା ସ୍ୱେଚ୍ଛାସେବୀ ଯୋଗ ଦେଇଥିଲେ । ସହରର ବିଭିନ୍ନ ଭୋଟ୍ ଦାନ କେନ୍ଦ୍ର ରେ ଆସୁଥିବା ଭିନ୍ନକ୍ଷମ ଓ ବୃଦ୍ଧ ମତଦାତାଙ୍କୁ ନେବା ଆଣିବା ରେ ପ୍ରମୁଖ ଭୂମିକା ଗ୍ରହଣ କରିଥିଲେ । ପୌର ନିର୍ବାଚନ ଅଧିକାରୀ ସ୍ୱେଚ୍ଛାସେବୀଙ୍କ ଆବଶ୍ୟକତା ରହିଥିବା ଅବଗତ କରାଇବା ପରେ ଆଦର୍ଶ ସ୍ନାତକ ମହା ବିଦ୍ୟାଳୟର ଜାତୀୟ ସେବା ଯୋଜନା ଅଧିକାରୀ ସହକାରୀ ପ୍ରଫେସର ରାଜୀବ ଜାଲ, ନିର୍ବାଚନରେ ସହଯୋଗ କରିବା ପାଇଁ ସ୍ୱେଚ୍ଛାସେବୀଙ୍କୁ ପଠାଇଥିଲେ । ମହା ବିଦ୍ୟାଳୟ ତରଫରୁ ଅଧ୍ୟକ୍ଷ ଡ଼. ରଞ୍ଜନ କୁମାର ବେହେରା, ସହକାରୀ ପ୍ରଫେସର ମନ୍ମଥ କୁମାର ମାଝୀ ସ୍ୱେଚ୍ଛସେବୀଙ୍କୁ ଉତ୍ସାହିତ କରିଥିଲେ । ସ୍ୱେଚ୍ଛାସେବୀଙ୍କ ସେବା ମନୋବୃତିକୁ ସାଧାରଣରେ ଭୂୟସୀ ପ୍ରଶଂସା କରାଯାଇଛି ।
