ବୌଦ୍ଧ,୨୮/୩:- ବୌଦ୍ଧ ସହରର ଯୋଗେନ୍ଦ୍ରଦେବ ଉଚ୍ଚବିଦ୍ୟାଳୟରେ ବିଦ୍ୟାଳୟସ୍ତରୀୟ ଏକଦିବସୀୟ ବିଜ୍ଞାନ ମେଳା ଆଜି ଦିନ ୧୦ଘଣ୍ଟା ସମୟରେ ବରିଷ୍ଠ ଶିକ୍ଷକ ଟଙ୍କଧର ସାହୁଙ୍କ ଅଧ୍ୟକ୍ଷତାରେ ବିଦ୍ୟାଳୟ ପରିବେଶରେ ଉଦଘାଟିତ ହୋଇଯାଇଛି । ବାମଣ୍ଡା ହାଇସ୍କୁଲର ବିଜ୍ଞାନ ଶିକ୍ଷକ ଓମପ୍ରକାଶ ପ୍ରଧାନ ଓ ସରକାରୀ ବାଳିକା ଉଚ୍ଚବିଦ୍ୟାଳୟର ବିଜ୍ଞାନ ଶିକ୍ଷକ ସତ୍ୟନାରାୟଣ ସ୍ୱାଇଁ ବିଚାରକ ଭାବରେ ପ୍ରକଳ୍ପ ଗୁଡିକର ମୂଲ୍ୟାୟନ କରିଥିଲେ । ବିଦ୍ୟାଳୟର ବିଜ୍ଞାନ ଶିକ୍ଷୟିତ୍ରୀ ରାଜଲକ୍ଷ୍ମୀ ସ୍ୱାଇଁ, ବିଜୟକୁମାର ପ୍ରଧାନ ଓ ସଂଜୀବ କୁମାର ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିଲେ ।
ବିଦ୍ୟାଳୟର ବରିଷ୍ଠ ଶିକ୍ଷୟିତ୍ରୀ କଲ୍ୟାଣୀ ପାଣିଗ୍ରାହୀ, ଅର୍ଚ୍ଚନା ମହାନ୍ତି, ବିଜୟ କୁମାର କ୍ଷେତି, ମଞ୍ଜିତ ମୋହନ ଚାନ୍ଦ, ସନ୍ଧ୍ୟାରାଣୀ ମିଶ୍ର, କୁମୁଦିନୀ ଦେବୀ, ମୀନାରାଣୀ ପଣ୍ଡା, ଶୁଭ୍ରସ୍ମିତା ମେଣ୍ଡିଳୀ, ମମତା ସାହୁ ଓ ବିଦ୍ୟାଳୟ କର୍ମଚାରୀ କଲ୍ୟାଣ କୁମାର ବେହେରାଙ୍କ ସହିତ ସସ୍ମିତା ରଥ ସହଯୋଗ କରିଥିଲେ । ୪୪ଟି ପ୍ରକଳ୍ପ କୁନି ବୈଜ୍ଞାନିକଙ୍କ ଦ୍ୱାରା ପ୍ରଦର୍ଶିତ ହୋଇଥିଲା ।
