ନବରଙ୍ଗପୁର,୨୯/୩ – ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଳକର ସିନ୍ଧିଗୁଡା ରାସ୍ତାରେ ଦେଖିବାକୁ ମିଳିଛି ଅଜବ ଦୃଶ୍ୟ । ଦୁଇ ଭାଲୁ ଛୁଆଙ୍କୁ ପିଠିରେ ବସାଇ ଏକ ମା’ ଭାଲୁ ରାସ୍ତା ପାରି ହେବାର ଦୃଶ୍ୟ ଥିଲା ନିଆରା । ପିଠି ଉପରେ ଦୁଇଟି ଛୁଆ ଭାଲୁ ମା’କୁ ଜାବୁଡି ଧରି ବସିଥିଲେ ଏବଂ ମା ଭାଲୁଟି ଦୁଇ ଛୁଆକୁ ପିଠି ଉପରେ ବସାଇ ଅତି ସହଜରେ ରାସ୍ତା ପାର ହୋଇଥିଲା । ନବରଙ୍ଗପୁରରୁ ନନ୍ଦାହାଣ୍ଡି ବ୍ଲକକୁ ଯାଇଥିବା ମୁଖ୍ୟରାସ୍ତା ଜଙ୍ଗଲ ନିକଟରେ ଏହି ଭାଲୁ ପିଚୁରାସ୍ତା ପାର କରି ଜଙ୍ଗଲ ଭିତରକୁ ଚାଲିଯାଇଥିଲା । ଏଭଳି ଦୃଶ୍ୟ ଦେଖି ରାସ୍ତାର ଉଭୟ ପାର୍ଶ୍ୱରେ ବହୁ ଗାଡି ଅଟକି ରହିବା ସହିତ ଲୋକମାନେ ମୋବାଇଲରେ ଫଟୋ ଉତ୍ତୋଳନ କରି ମଜା ନେଇଥିଲେ ।
