ପାଟଣାଗଡ଼ : ବଲାଙ୍ଗିର ଜିଲା ପାଟଣାଗଡ ଉପଖଣ୍ଡ ବେଲପଡ଼ା ବ୍ଲକ ବନଦୁର୍ଗା ମନ୍ଦିର ନିକଟରେ ଏକ ବୈଠକ ଅନୁଷ୍ଠିତ ହୋଇଯାଇଛି ।ଏହି ବୈଠକରେ ନୀଳାଞ୍ଚଳ ସିଂ ସଭା ପରିଚଳନା କରିଥିବା ବେଳେ ପାଟଣାଗଡ଼ ଡ୍ରାଇଭର୍ ମହାସଂଘର ସଭାପତି ଗଙ୍ଗା ମହାଲିଙ୍ଗ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ସମ୍ମାନିତ ଅତିଥିଭାବେ ପାଟଣାଗଡ଼ ଡ୍ରାଇଭର ସଂଘର ଉପସଭାପତି ଚୈତନ ବରିହା ଓ ଅଜୟ ପଟ୍ଟନାୟକ ଯୋଗଦେଇ ଡ୍ରାଇଭର୍ ସଂଘ କିପରି ସୁଦୃଢ ହେବ ଓ ଡ୍ରାଇଭର ମାନଙ୍କୁ ବିଭିନ୍ନ ପ୍ରକାର ସରକାରୀ ସୁବିଧା ସୁଯୋଗ ମିଳିବ ସେ ଉପରେ ଆଲୋଚନା କରିଥିଲେ । ଏହି ବୈଠକରେ ଡୋଲାମଣୀ ମେହେର, ଗୌତମ ସାହୁ, ସୁଦାମା ବେହେରା, ଧୁବଳ ଚରଣ ଯୁଆଡେ, ଗିରୀଶ ଭୋଇ, ପ୍ରତାପ ଧରୁଆ ବ୍ୟାସଦେବ ଭୋଇ ଏବଂ ଅଞ୍ଚଳର ଶତାଧିକ ଡ୍ରାଇଭର ଅଂଶଗ୍ରହଣ କରିଥିଲେ । ସଭାଟିକୁ ନୀଳାମ୍ବର ସିଂ ଓ ଗୁଣ୍ଡୁ ପୁଟେଲ ପରିଚାଳନା କରିଥିବା ବେଳେ ମହାଦେବ ମେହେର ଧନ୍ୟବାଦ ଅର୍ପଣ କରିଥିଲେ ।
