ମୁମ୍ବାଇ : ଆଜି ସଂଧ୍ୟାରେ ଆଇପିଏଲ ୨୦୨୨ର ୧୧ତମ ମ୍ୟାଚ୍ ମୁମ୍ବାଇର ବ୍ରାବୋର୍ନ ଷ୍ଟାଡିୟମରେ ଚେନ୍ନାଇ ସୁପର କିଙ୍ଗ୍ସ ଏବଂ ପଞ୍ଜାବ କିଙ୍ଗ୍ସ ମଧ୍ୟରେ ଖେଳାଯିବ । ଏହି ମ୍ୟାଚରେ ପୂର୍ବତନ ସିଏସକେ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ଟାର୍ଗେଟରେ ଆଉ ଏକ ରେକର୍ଡ ରହିବ । ଧୋନି ଆଜି ତାଙ୍କ ଟି -୨୦ କ୍ୟାରିୟରର ୩୫୦ ତମ ମ୍ୟାଚ୍ ଖେଳିବେ ଏବଂ ସେ ଏହା କରିବାରେ ଦ୍ୱିତୀୟ ଭାରତୀୟ ଖେଳାଳି ହେବେ । ବର୍ତ୍ତମାନ ପର୍ଯ୍ୟନ୍ତ ରୋହିତ ଶର୍ମା ହେଉଛନ୍ତି ଏକମାତ୍ର ଖେଳାଳି ଯିଏକି ୩୫୦ଟିରୁ ଅଧିକ ମ୍ୟାଚ୍ ଖେଳିଛନ୍ତି । ସେ ୩୭୨ ମ୍ୟାଚ୍ ସହିତ ଶୀର୍ଷରେ ରହିଛନ୍ତି । ସେହିପରି ସୁରେଶ ୩୩୬, ଦିନେଶ କାର୍ତ୍ତିକ ୩୨୯ ଓ ବିରାଟ ୩୨୮ ଯଥାକ୍ରମେ ତୃତୀୟରୁ ପଞ୍ଚମ ସ୍ଥାନ ମଧ୍ୟରେ ରହିଛନ୍ତି ।
