ପାରଳାଖେମୁଣ୍ଡି : ଗଜପତି ଜିଲ୍ଲା ଗୋଶାଣି ବ୍ଳକ ଅନ୍ତର୍ଗତ କେରାଣ୍ଡି ଗ୍ରାମ ପଞ୍ଚାୟତ କାର୍ଯ୍ୟାଳୟରେ ପଞ୍ଚାୟତସ୍ତରୀୟ କର୍ମକର୍ତ୍ତାଙ୍କ ସମେତ ଅନ୍ୟମାନଙ୍କୁ ନେଇ ଶିଶୁ ପାଇଁ ଦିନଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି କାର୍ଯ୍ୟକ୍ରମରେ ପଞ୍ଚାୟତସ୍ତରୀୟ ସରପଞ୍ଚ, ମହିଳା ସ୍ୱାସ୍ଥ୍ୟ କର୍ମୀ, ପୁରୁଷ ସ୍ୱାସ୍ଥ୍ୟ କର୍ମୀ, ଆଶା, ଅଙ୍ଗନବାଡି କର୍ମୀ ବୃନ୍ଦ, ସ୍କୁଲ ଶିକ୍ଷକ, ଗ୍ରାମ ରୋଜଗାର ସେବକ, ସ୍କୁଲର କିଶୋର ଛାତ୍ର ଓ ଛାତ୍ରୀ ,ବ୍ଳକ ସ୍ତରୀୟ ଶିଶୁ ବିକାଶ ଯୋଜନା ଅଧିକାରିଣୀ ଗୋଶାଣି ଶ୍ରୀମତି ଗୌରୀ ନାୟକ, ସୁପରଭାଇଜର ଶ୍ରୀମତି ଶଶୀ ଗୋମାଙ୍ଗ ଉପସ୍ଥିତ ଥିଲେ । ଜିଲ୍ଲା ସ୍ତରୀୟ ଚାଇଲଡ଼ ତରଫରୁ କର୍ମୀ ମାନେ ଉପସ୍ଥିତ ରହି କାର୍ଯ୍ୟକ୍ରମ ତ୍ୱରାନ୍ୱିତ କରିଥିଲେ । ଏହି କାର୍ଯ୍ୟକ୍ରମ ଶିଶୁ ପାଇଁ ଦିନ ଟିଏରେ ବିଭିନ୍ନ ଗୁରୁତ୍ୱପୂର୍ଣ୍ଣ ଶିଶୁ ପ୍ରାସଙ୍ଗିକ ଆଲୋଚନା ବିଷୟ ବସ୍ତୁ ଯଥା ଶିଶୁ ବା ବାଲ୍ୟ ବିବାହ ଅବରୋଧ, ଶିଶୁ ଶ୍ରମିକ, ଶିଶୁ ଚାଲାଣ,ଶିଶୁ ଯୋ÷÷ନ ଶୋଷଣ,ଶିଶୁଙ୍କର ବିଦ୍ୟାଳୟରେ ଅନୁପସ୍ଥିତି ବୃଦ୍ଧି, ଭ୍ରୂଣ ହତ୍ୟା, ଆଶୀର୍ବାଦ ଯୋଜନା, କିଶୋର ସଶକ୍ତିକରଣ ଯୋଜନା ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇଥିଲା । ଶିଶୁ ବିକାଶ ଯୋଜନା ଅଧିକାରିଣୀ ଗୋଶାଣି ବାଲ୍ୟ ବିବାହର ନିୟମାବଳୀ, ଜୋରିମାନା, ଦଣ୍ଡବିଧି ବିଷୟରେ ଅବଗତ କରାଇଥିଲେ । ପୁଅ କି ଝିଅ ନିମନ୍ତେ ନିର୍ଦ୍ଧାରିତ ବିବାହ ବୟସ ସୀମା ୨୧ ଓ ୧୮ ବର୍ଷ ରୁ ଉର୍ଦ୍ଧ୍ୱ ବୋଲି କହିଥିଲେ । ଏକ ଲକ୍ଷ ଜୋରିମାନା ଓ ଦୁଇ ବର୍ଷ ଜେଲ,ବାଲ୍ୟ ବିବାହ ନିମନ୍ତେ ଧାର୍ଯ୍ୟ କରାଯାଇଛି ବୋଲି ମତ ବ୍ୟକ୍ତ କରିଥିଲେ । ମହିଳା ସ୍ୱାସ୍ଥ୍ୟ କର୍ମୀ ବାଲ୍ୟ ବିବାହ ଦ୍ୱାରା ସ୍ୱାସ୍ଥ୍ୟ ଗତ ସମସ୍ୟା, ଆର୍ଥିକ ସମସ୍ୟା, ସଙ୍କଟାପନ୍ନ, ଶିଶୁର ଭ୍ରୂଣହତ୍ୟା ଓ ଭୃଣ ଚିହ୍ନଟ ବିଷୟରେ ସଚେତନ କରାଇଥିଲେ । ଏହାଦ୍ୱାରା ସମାଜ ଉପରେ କୁ ପ୍ରଭାବ ଓ ସ୍ୱଳ୍ପ ବୟସରେ ବାଲ୍ୟ ବିବାହ ଦ୍ୱାରା ଝିଅଟି କିପରି ସାମାଜିକ ଭାରାକ୍ରାନ୍ତ ହୋଇ ପଡେ,ସେ ସବୁ ଆଲୋଚନା କରାଯାଇଥିଲା । ବିଦ୍ୟାଳୟ ଶିକ୍ଷକ, ବିଦ୍ୟାଳୟରେ ଅନୁପସ୍ଥିତି କିପରି ପଢୁଛି, ବାପା ମାଆଙ୍କର ଦାୟିତ୍ୱ, ଶିଶୁ ଶ୍ରମିକ ଅବରୋଧ କିପରି କରାଯିବ ଓ ଏହାର ଫଳାଫଳ ଶିଶୁଙ୍କ ମାନସିକ ଓ ଶାରୀରିକ ବୃଦ୍ଧିରେ କିପରି ବିଘ୍ନ ଘଟାଇଛନ୍ତି ପ୍ରାଞ୍ଜଳ ଭାବରେ ବୁଝାଇଥିଲେ । ଏତଦବ୍ୟତୀତ ଜିଲ୍ଲା ସ୍ତରୀୟ ଚାଇଡ଼ ଲାଇନ କର୍ମୀ ମାନେ ଶିଶୁ ଚାଲାଣ କିପରି ହୁଏ, ଶିଶୁକୁ ଯୌନ ଶୋଷଣ ଇତ୍ୟାଦି କିପରି ବିରୋଧ କରି ଶିଶୁ ମାନଙ୍କର ଥଇଥାନ ବିଷୟରେ କହିଥିଲେ । ଅନାଥ ଶିଶୁ ମାନଙ୍କ ପାଇଁ ଆଶୀର୍ବାଦ ଯୋଜନାର ଆର୍ଥିକ ଲାଭଦାୟକ ଓ ଶିକ୍ଷା ପ୍ରଗତିରେ କିପରି ଗୁଣାତ୍ମକ ମାନର ବ୍ୟକ୍ତିଗତ ଜୀବନ ଗଠନ ହୋଇ ପାରିବ, ସେହି ବିଷୟରେ ଆଲୋଚନା କରା ଯାଇଥିଲା । ସର୍ବ ଶେଷରେ ଶିଶୁ ପାଇଁ ଦିନଟିଏ କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ସଚେତନ କରାଇବା ସହ ପିତାମାତାଙ୍କ ସମେତ ସମସ୍ତଙ୍କୁ ଶିଶୁର ଉନ୍ନତି ନିମନ୍ତେ ବାଲ୍ୟ ବିବାହ ମୂଳପୁଛ କରିବା ନିମନ୍ତେ ଜନ ଜାଗରଣ ବୃଦ୍ଧି କରାଇବା ନିହାତି ଆବଶ୍ୟକ ବୋଲି ପ୍ରକାଶ କରାଯାଇଥିଲା
