ବୌଦ୍ଧ : ତେଲିବନ୍ଧ ଉଚ୍ଚ ବିଦ୍ୟାଳୟ ପରିସରରେ ପୂର୍ବତନ ପ୍ରଧାନ ଶିକ୍ଷକ ଯୋଗୀନ୍ଦ୍ର ପ୍ରଧାନଙ୍କ ବିୟୋଗରେ ଆଜି ଏକ ଶୋକସଭା ଅନୁଷ୍ଠିତ ହୋଇଯାଇଛି । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ସୌଦାମିନୀ ପ୍ରଧାନଙ୍କ ସଭାପତିତ୍ୱରେ ସ୍ୱର୍ଗତ ଯୋଗୀନ୍ଦ୍ର ସାରଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ । ସ୍କୁଲର ସହକାରୀ ଶିକ୍ଷକଶମ୍ଭୁ ଗିରି ସ୍ୱର୍ଗୀୟ ପ୍ରଧାନଙ୍କ ସ୍ମୃତିଚାରଣ କରି ବିଦ୍ୟାଳୟ ପ୍ରତି ଥିବା ଉତ୍ସର୍ଗୀକୃତ ମନୋଭାବ ସମ୍ପର୍କରେ ଆଲୋଚନା କରିଥିଲେ । ମୋ ସ୍କୁଲ ଅଭିଯାନର ସକ୍ରିୟ ସଦସ୍ୟ ପ୍ରଭାତ ଚନ୍ଦ୍ର ପ୍ରଧାନ ବକ୍ତବ୍ୟ ପ୍ରଦାନ କରିଥିଲେ । ପ୍ରକାଶ ଥାଉ କି ସ୍ୱର୍ଗତ ପ୍ରଧାନ ୨୦୦୭ ଜୁଲାଇ ମାସରୁ ତେଲିବନ୍ଧ ଉଚ୍ଚ ବିଦ୍ୟାଳୟରେ ସହକାରୀ ଶିକ୍ଷକ ରୂପେ ଯୋଗଦାନ କରି ୨୦୧୭ ଏପ୍ରିଲ ମାସରେ ପ୍ରଧାନ ଶିକ୍ଷକ ରୂପେ ଅବସର ଗ୍ରହଣ କରିଥିଲେ । ଶ୍ରୀ ପ୍ରଧାନ ଚଳିତ ମାସ ୧୦ ତାରିଖ ଦିବା ଅପରାହ୍ନ ୧୨.୩୦ରେ ପରଲୋକ ଗମନ କରିଥିଲେ । ଅନ୍ୟ ମାନଙ୍କ ମଧ୍ୟରେ ବିଦ୍ୟାଳୟ ପରିଚାଳନା କମିଟିର ସଭାପତି ପ୍ରଦୀପ ମହାକୁଡ଼, ସଭ୍ୟ ଶେଷଦେବ ପ୍ରଧାନ, ପ୍ରଫୁଲ୍ଲ ସେଠି, ଆଲୁମିନି ସଦସ୍ୟ ହରିଶ ଚନ୍ଦ୍ର ସାହୁ, ଡିଙ୍ଗର ପ୍ରଧାନ ସମେତ ସମସ୍ତ ଶିକ୍ଷକ ଶିକ୍ଷୟିତ୍ରୀ ଏବଂ ଛାତ୍ରଛାତ୍ରୀ ଉପସ୍ଥିତ ଥାଇ ସ୍ୱର୍ଗତ ପ୍ରଧାନଙ୍କ ଉଦ୍ଦେଶ୍ୟରେ ୨ମିନିଟ ପାଇଁ ନିରବ ପ୍ରାର୍ଥନା କରିଥିଲେ । ଶେଷରେ ସହକାରୀ ଶିକ୍ଷୟିତ୍ରୀ ସ୍ୱାଗତିକା ପ୍ରଧାନ ସମସ୍ତଙ୍କୁ ଶୋକାକୁଳ ପରିବେଶରେ ଧନ୍ୟବାଦ ଅର୍ପଣ କରିଥିଲେ ।
