ବୌଦ୍ଧ/ଜହ୍ନ ।ପଙ୍କ,୧୨/୪: ବୌଦ୍ଧବ୍ଲକ ବଘିଆପଡ଼ା ଫାଣ୍ଡି ଅନ୍ତର୍ଗତ ଖମାରୀପଡ଼ା ଗ୍ରାମରେ ସୋମବାର ବିଳମ୍ବିତ ରାତିରେ ଏକ ଜଘନ୍ୟ ହତ୍ୟାକାଣ୍ଡ ଘଟିଯାଇଥିବା ପୋଲିସ ସୂତ୍ରରୁ ଜଣାପଡିଛି । ଗ୍ରାମର ଏକାଦଶୀ ନାଏକଙ୍କୁ ସେହି ଗାଁର ନରେନ୍ଦ୍ର ପ୍ରଧାନ ଟାଙ୍ଗିଆରେ ହତ୍ୟା କରିଥିବା ଥାନାରେ ଅଭିଯୋଗ କରିଛନ୍ତି ମୃତକଙ୍କ ପରିବାର । ଘଟଣାରୁ ପ୍ରକାଶ ନରେନ୍ଦ୍ର ଏକାଦଶୀଙ୍କ ବିଲକୁ ପାଣି ଯାଉଥିବା ଅଣାରେ ଶୌଚ କରିବାରୁ ଏକାଦଶୀ ତାଙ୍କୁ ବାରଣ କରିଥିଲେ । କିନ୍ତୁ ନରେନ୍ଦ୍ର ନମାନିବାରୁ ସୋମବାର ଉଭୟଙ୍କ ମଧ୍ୟରେ କଥା କଟ ।କଟି ହୋଇଥିଲା । ରାତିରେ ଏକାଦଶୀ ଖାଇସାରି ଗାଁ ମଣ୍ଡପରେ ଶୋଇଥିବା ବେଳେ ବିଳମ୍ବିତ ରାତିରେ ନରେନ୍ଦ୍ର ଏକ ଟାଙ୍ଗିଆରେ ଏକାଦଶୀର ବେକରେ ଚୋଟ ପରେ ଚୋଟ ପକାଇବାରୁ ଏକାଦଶୀଙ୍କ ସେଠାରେ ହିଁ ମୃତ୍ୟୁ ହୋଇଥିଲା । ଖବରପାଇ ବଘିଆପଡ଼ା ଫାଣ୍ଡି ଅଧିକାରୀ ଓ ଜହ୍ନ ।ପଙ୍କ ଫାଣ୍ଡି ଅଧିକାରୀ ମମତା ହେମ୍ବ୍ରମ ଘଟଣା ସ୍ଥଳରେ ପହଁଚି ଶବକୁ ଏକ ଘରୋଇ ଆମ୍ବୁଲାନ୍ସ ଯୋଗେ ବୌଦ୍ଧ ମୁଖ୍ୟ ଡାକ୍ତରଖାନା ପହଞ୍ଚ ।ଇଥିଲେ । ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଅନ୍ୟ ପକ୍ଷରେ ପୋଲିସ ହତ୍ୟାକାରୀ ନରେନ୍ଦ୍ରକୁ ଘରୁ ଗିରଫକରି ଟାଙ୍ଗିଆକୁ ମଧ୍ୟ ଜବତ କରିଛି । ମଙ୍ଗଳବାର ବୌଦ୍ଧର ଏକ ପୋଲିସ ଟିମ ଘଟଣାସ୍ଥଳରେ ପହଞ୍ଚି ହତ୍ୟାକାଣ୍ଡର କାରଣ ଅନୁସନ୍ଧାନ କରୁଛି ।
