ସୁବର୍ଣ୍ଣପୁର: ସୁବର୍ଣ୍ଣପୁର ପୌର ପରିଷଦ ଦ୍ୱାରା ଆଜି ସ୍ଥାନୀୟ ଟାଉନ ହଲଠାରେ ଜମି ପ୍ରମାଣପତ୍ର ଓ ପ୍ରଧାନମନ୍ତ୍ରୀ ଆବାସ ଗୃହ କାର୍ଯ୍ୟାଦେଶନାମା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପ୍ରକାଶ ଥାଉକି ଦୁଇ ବର୍ଷ ହେବ ଏହି ହିତାଧିକାରୀ ମାନେ ଉକ୍ତ ସୁବିଧା ରୁ ବଂଚିତ ଥିଲେ । କାରଣ ଯେଉଁ ସ୍ଥାନରେ ବସ ବାସ କରୁଥିଲେ ଉକ୍ତ ଜାଗାର ମାଲିକାନା ମତ୍ସ୍ୟ ଓ ଅବକାରୀ ବିଭାଗରୁ ଏନଓସି ଆସିବା ପରେ ୨୬ ଜଣ ହିତାଧିକାରୀଙ୍କୁ ଜମି ପ୍ରମାଣପତ୍ର ଯୋଗାଇ ଦିଆଯାଇଛି । ୪୪ ଜଣ ହିତାଧିକାରୀଙ୍କୁ ପ୍ରଧାନମନ୍ତ୍ରୀ ଆବାସ ଗୃହ କାର୍ଯ୍ୟାଦେଶ ଦିଆଯାଇଛି । ଉକ୍ତ କାର୍ଯ୍ୟକ୍ରମରେ ପୌର ପରିଷଦର ଅଧ୍ୟକ୍ଷା ତାମସୀ ତାମସ୍ମିତା ନାଏକ, ଉପାଧ୍ୟକ୍ଷ ମଲ୍ଲିକା ଦାନୀ ଓ ସମସ୍ତ ୱାର୍ଡର କାଉନସିଲରମାନଙ୍କ ସହିତ ପୌର ପରିଷଦର ନିର୍ବାହୀ ଅଧିକାରୀ ସୂର୍ଯ୍ୟାଂଶୁ ରୁଟ, ଶିବ ରାମ ସାହୁ, ଅଜିତ ନାଏକ, ନୋଡାଲ ଅଫିସର ଜାଗା ମିଶନ ପ୍ରଭୁ ଦତ୍ତ ପଣ୍ଡା ନୋଡାଲ ଅଫିସର ପିଏମଏୱାଇ ଓ ପୌର ପରିଷଦର ସମସ୍ତ କର୍ମଚାରୀ ସହିତ ୱାର୍ଡ ହିତାଧିକାରୀ ଉପସ୍ଥିତ ଥିଲେ ।
