ଦଶପଲ୍ଲା,୨୩/୪ : – ଖୋର୍ଦ୍ଧା – ବଲାଙ୍ଗୀର ୫୭ନଂ.ଜାତୀୟ ରାଜପଥର ସରିଗଣ୍ଡା ଠାରେ ଗତକାଲି ଏକ ଅଜଣା ଗାଡି ଧକ୍କାରେ ଜଣେ ବ୍ୟକ୍ତି ମୃତ୍ୟୁବରଣ କରିଥିବାବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି । ଗାଡି ଧକ୍କାରେ ଓଡଶର ଗ୍ରାମର ଗୌର ଦଳବେହେରା ଓ ସରିଗଣ୍ଡା ଗ୍ରାମର ଉପେନ୍ଦ୍ର ଜାନୀ ଗୁରୁତର ଆହତ ହୋଇଥିଲେ । ଉଭୟଙ୍କୁ ଚିକିତ୍ସା ନିମନ୍ତେ ଦଶପଲ୍ଲା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଉପେନ୍ଦ୍ର (୪୦ବର୍ଷ)ର ମୃତ୍ୟୁ ହୋଇଥିବା ବେଳେ ଗୌର ଚିକିତ୍ସାଧିନ ଅଛନ୍ତି । ଦୁର୍ଘଟଣାସ୍ଥଳରୁ ଓଡି ୩୩ ଏସ୍ ୧୮୦୦ ନମ୍ବରର ଏକ ଗାଡି ନମ୍ବର ପ୍ଲେଟ ମିଳିଥିବାରୁ , ଏହି ନମ୍ବର ଗାଡିଟି ଦୁର୍ଘଟଣା ଘଟାଇଥିବା ଆଂଶକା କରାଯାଉଛି । ଦଶପଲ୍ଲା ପୋଲିସ୍ ମାମଲା ରୁଜୁ କରି ତଦନ୍ତ ଜାରିରଖିଛି ।
