ସୋନପୁର: ସୋନପୁର ଷ୍ଟେଟ ବ୍ୟାଙ୍କ ରାସ୍ତା ଉପରେ ପଡ଼ିଥିବା ଏକ ମନିପର୍ସକୁ ପୋଲିସକୁ ହସ୍ତାନ୍ତର କରି ନିଜର ମାନବିକତାର ପରିଚୟ ଦେଲେ ସୁବର୍ଣ୍ଣପୁରର ବିଶିଷ୍ଟ ନାଗରିକ ଚମରା ରାମ ତ୍ରିପାଠୀ > ଉକ୍ତ ମନି ପର୍ସ ଟି ଗୁଡଭେଲିପଦର ଗାଁ ର ଏକ କଲେଜ ଛାତ୍ର ଚନ୍ଦ୍ର ମୋହନ ବାଙ୍କର ବୋଲି ଜଣା ପଡ଼ିଥିବା ବେଳେ ପର୍ସ ଭିତରେ ଦୁଇଟି ଏଟିଏମ କାର୍ଡ ଓ କିଛି ଗୁରୁତ୍ୱପୂର୍ଣ୍ଣ କାଗଜ ପତ୍ର ଥିବା ପୋଲିସ ଏସଆଇ ସୂଚନା ଦେଇଛନ୍ତି । ଚଳିତ ବର୍ଷ ଏମିତି ଅନେକ କେସ ପୋଲିସ ପାଖକୁ ପହଂଚିଥିବା ବେଳେ ପୁଣି ସେଥି ମଧ୍ୟରୁ ଅନେକ ସ୍କୁଲ କଲେଜ ଛାତ୍ର ଛାତ୍ରୀ ନିଜ ନିଜର ମହାନତା ଦେଖାଇଥିବା ଜଣାଯାଇଛି । ଯାହାକି ସମାଜ ପରିବର୍ତ୍ତନର ଏହାଏକ ଶୁଭ ସୂଚନା ଏବଂ ଏଭଳି ବଦାନ୍ୟ ବ୍ୟକ୍ତି ଓ ଛାତ୍ରଛାତ୍ରୀଙ୍କ ମହାନତା ମଣିଷପଣିଆ ସହିତ ସୋସିଆଲ ମିଡ଼ିଆର ବହୁଳ ପ୍ରଚାର ପ୍ରସାର ଯୋଗୁଁ ପ୍ରତିଖବର ସମସ୍ତଙ୍କ ପାଇଁ ସହଜ ହୋଇଥିବା ଯୋଗୁଁ ଓ ଏହାର ବହୁଳ ବ୍ୟବହାରରେ ଆଗାମୀ ଯୁବ ପିଢିଙ୍କୁ ଏହା ଖୁବ ପ୍ରେରଣା ଓ ଉତ୍ସାହ ଯୋଗାଇବ ବୋଲି ବରିଷ୍ଠ ସାମ୍ବାଦିକ ପର୍ଶୁରାମ ମିଶ୍ର ଓ ଦିଲ୍ଲୀପ ପାତ୍ର ମତ ରଖିଛନ୍ତି । ଏଭଳି ବଦାନ୍ୟ ବ୍ୟକ୍ତି ବା ଛାତ୍ରଛାତ୍ରୀ ଓ ପୋଲିସର ଉଦ୍ୟମକୁ ସେବା କାର୍ଯ୍ୟ କୁ ସୋନପୁର ବୁଦ୍ଧିଜୀବୀ ମଧ୍ୟ ଖୁବ ପ୍ରଶଂସା କରିଛନ୍ତି ।
