ଗାଧେଇବାକୁ ଯାଇ ଶାଲୁଙ୍କି ନଦୀରେ ଖସି ପଡି ଶ୍ରମିକଙ୍କ ମୃତ୍ୟୁ
ଘୁ ଉଦୟଗିରି: ସ୍ଥାନୀୟ ସହରର ଜଣେ ଶ୍ରମିକ ସାଲୁଙ୍କି ନାଳରେ ଗାଧୋଇବାକୁ ଯାଇ ସେଠାରେ ପଡି ମୃତ୍ୟୁବରଣ କରିଥିବା ଜଣାପଡ଼ିଛି । ଗତକାଲି ରାତିରେ ସ୍ଥାନୀୟ ୧୩ନଂ ୱାର୍ଡର ବୁଲୁସୁଗା ସାହିର ଅଶୋକ ବେହେରା(୪୦)ନାମକ ଶ୍ରମିକ ପ୍ରତ୍ୟେକ ଦିନ ଭଳି ନିଜ କାମ ସାରି ଏମଏମସି ରୋଡ଼ରେ ଥିବା ସାଲୁଙ୍କି ନାଳକୁ ଗାଧୋଇବାକୁ ଯାଇଥିଲେ । କିନ୍ତୁ ସେ ସେଠାରେ ଖସି ପଡି ମୃତ୍ୟୁବରଣ କରିଥିଲେ । ଅଶୋକ ଯିଏକି ସହରରେ ବିଭିନ୍ନ ଗୋଦାମ ରେ ସିମେଣ୍ଟ, ଲୁହାଛଡ଼, ଲୋର୍ଡିଂ ଏବଂ ଆନଲୋର୍ଡିଂ କରେ । ବହୁସମୟ ପର୍ଯ୍ୟନ୍ତ ଅଶୋକ ନ ଆସିବାରୁ ତାକୁ ତାଙ୍କ ପରିବାର ଲୋକ ଖୋଜାଖୋଜି କରି ସାଲୁଙ୍କି ନାଳରେ ଉଲଗ୍ନ ଅବସ୍ଥାରେ ପଡିଥିବା ଦେଖି ପୋଲିସ ଏବଂ ଦମକଳ ବାହିନୀକୁ ଗାଡିକୁ ଖବର ଦେବା ପରେ ଦମକଳ ଗାଡି ଘଟଣା ସ୍ଥଳରେ ପହଞ୍ଚି ସେଇସ୍ଥାନରୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲା । ପୋଲିସ ଖାବର ପାଇ ତଦନ୍ତ କରିବା ସହ ଅଶୋକଙ୍କ ସ୍ତ୍ରୀଙ୍କ ଲିଖିତ ରିପୋର୍ଟ ଆଧାରରେ ଥାନାରେ ଏକ ଅପମୃତ୍ୟୁ ମାମଲା ନଂ୨/୨୨ରୁଜୁ କରି ଏସଆଇ ଅବନୀ କୁମାର ପ୍ରଧାନଙ୍କୁ ତଦନ୍ତ ଦାୟିତ୍ୱ ଦେଇଥିବା ଆଇଆଇସି ରେବତୀ ଶବର ସୂଚନା ଦେଇଛନ୍ତି । ଆଜି ଅଶୋକଙ୍କ ଶବ ବ୍ୟବଚ୍ଛେଦ ପରେ ଶବକୁ ତାଙ୍କ ପରିବାରକୁ ହସ୍ତାନ୍ତର କରାଯାଇଛି ।
