ପାଟଣାଗଡ: ବଲାଙ୍ଗୀର ଜିଲ୍ଲା ପାଟଣାଗଡ଼ ଉପଖଣ୍ଡ ବେଲପଡ଼ା ବ୍ଲକ ବେଲପଡ଼ା ମାଉସୀ ମନ୍ଦିର ପ୍ରତିଷ୍ଠା ଓ ପଞ୍ଚ କୁଣ୍ଡିୟ ମହାଯଜ୍ଞ ପାଇଁ ପ୍ରସ୍ତୁତି ବୈଠକ ମହାଦେବ ମେହେରଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଏହି ମାଉସୀ ମନ୍ଦିର ପ୍ରତିଷ୍ଠା ଓ ପଞ୍ଚ କୁଣ୍ଡିୟ ମହାଯଜ୍ଞ ଦୀର୍ଘ ଚାରି ଦିନ ଧରି ଅନୁଷ୍ଠିତ ହେବ । ଆସନ୍ତା ମଙ୍ଗଳବାର ଅପରାହ୍ନ ସମୟରେ ଦୁଇହାଜର ମହିଳା କଳସ ଯାତ୍ରାରେ ନିକଟସ୍ଥ ପୋଖରୀରୁ ପୂର୍ଣ୍ଣ କଳସ ପାଣି ଆଣି କଳସ ସ୍ଥାପନ କରିବା ପାଇଁ ସ୍ଥିର କରାଯାଇଛି । ସେହିପରି ବୁଧବାର ସକାଳ ୯ ଟାରୁ ଯଜ୍ଞାରମ୍ଭ ସହ ପୁରାଣ ପଠନ, ନାମଯଜ୍ଞ ଅନୁଷ୍ଠିତ ହେବା ସହିତ ପ୍ରତ୍ୟହ ସନ୍ଧ୍ୟାରେ ମନୋରଞ୍ଜନ ପାଇଁ ମୀନାବଜାର, ମୁରାସୁର୍ ଦରବାର, ବୈଠକି କୀର୍ତ୍ତନ ଅନୁଷ୍ଠିତ ହେବ । ଅନ୍ନପ୍ରସାଦ ସେବନର ବ୍ୟବସ୍ଥା ହେବ ବୋଲି କମିଟି ପକ୍ଷରୁ ସୂଚନା ମିଳିଛି ।
