ମୁମ୍ବାଇ : ଗତକାଲି କୋଲକତା ନାଇଟ୍ ରାଇଡର୍ସ ବିପକ୍ଷରେ ମୁମ୍ବାଇର ଷ୍ଟାର ବୋଲର ଜସପ୍ରିତ ବୁମରାହ ୫ ଉଇକେଟ ନେଇ ସମସ୍ତଙ୍କ ମନ ଜଣିଥିଲେ । ସେହିପରି ବୁମରାହଙ୍କ ଏହି ସଫଳତାରେ ତାଙ୍କ ପତ୍ନୀ ସଂଜନା ଗଣେଶନ ମଧ୍ୟ ଖୁସି ଜାହିର କରିଛନ୍ତି । ସଂଜନା ଟ୍ୱିଟ୍ କରି ଲେଖିଛନ୍ତି ଯେ ମେରା ପତି ଫାୟର ହୈ.. । ଏହା ପରେ ଏହି ଟ୍ୱିଟ୍ ଭାଇରାଲ ହେବାରେ ଲାଗିଛି । ଗତକାଲିର ମ୍ୟାଚର ବେଳେ ସଂଜନା ଷ୍ଟାଡିୟମରେ ଉପସ୍ଥିତ ରହି ପତି ବୁମରାହଙ୍କ ଉତ୍ସାହ ବଢାଇଥିଲେ । ଏହାର ଏକ ଫଟୋ ମଧ୍ୟ ମୁମ୍ବାଇ ଇଣ୍ଡିଆନ୍ସ ନିଜର ଟ୍ୱିଟର ହ୍ୟାଣ୍ଡଲରେ ପୋଷ୍ଟ କରିଛି । ସୂଚନାଯୋଗ୍ୟ ଗତକାଲିର ମ୍ୟାଚରେ ବୁମରା ୪ ଓଭର ବୋଲିଂ କରି ୧୦ ରନ ଦେଇ ୫ ଟି ଉଇକେଟ ନେଇଥିଲେ । ଏହା ଆଇପିଏଲରେ ତାଙ୍କର ପ୍ରଥମ ୫ ଉଇକେଟ । କିନ୍ତୁ ଦୁର୍ଭାଗ୍ୟର ବିଷୟ ବୁମରାହଙ୍କ ଏହି ସଫଳତା ପରେ ମଧ୍ୟ ଦଳ ପରାଜୟର ସମ୍ମୁଖୀନ ହୋଇଥିଲା ।
