ଦଶପଲ୍ଲା : ଦଶପଲ୍ଲା ବ୍ଳକ ଅନ୍ତର୍ଗତ ଗ୍ରାମ ପଞ୍ଚାୟତ ହାଇସ୍କୁଲ ସରିଗଣ୍ଡାରେ (ନେଳିଗୁଡା) ଛାତ୍ରଛାତ୍ରୀମାନଙ୍କ ପାଠପଢା ପାଇଁ ଶ୍ରେଣୀ ଗୃହର ଅଭାବ ପରିଲକ୍ଷିତ ହେଉଥିବା ବେଳେ ଅଧାଗଢା ଶ୍ରେଣୀଗୃହ ମଧ୍ୟରେ ବିପଦସଂକୁଳ ଅବସ୍ଥାରେ ଚାଲିଛି ପାଠପଢା । ପୂର୍ବତନ ବିଧାୟକଙ୍କ ଅନୁଦାନ ପାଣ୍ଠିରୁ ଗୃହ ନିର୍ମାଣ ପାଇଁ ୬ଲକ୍ଷ ଟଙ୍କା ମଂଜୁର ହୋଇ ଶ୍ରେଣୀ ଗୃହ ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା । କନିଷ୍ଠ ଯନ୍ତ୍ରୀଙ୍କ ନାମରେ କାର୍ଯ୍ୟାଦେଶ ଥିବାବେଳେଏହି କାର୍ଯ୍ୟ କରିବାପାଇଁ ଅନ୍ୟ ଜଣକୁ ଦାୟୀତ୍ୱ ଦିଆଯାଇଥିଲା । ଗୃହର ଛାତ ଦବିଯିବାକୁ ନେଇ ବିବାଦ ଆରମ୍ଭ ହେବାପରେ ଏହାର ନିର୍ମାଣ କାର୍ଯ୍ୟ ଅଧାରେ ଅଟକି ରହିଗଲା । ଏପଟେ ଛାତ୍ରଛାତ୍ରୀ ପାଠ ପଢିବା ପାଇଁ ହଇରାଣ ହେଉଛନ୍ତି , ସେପଟେ ବିଭାଗୀୟ ଅଧିକାରୀ ମାନେ ଏଥିପ୍ରତି ଦୃଷ୍ଟି ଦେଉନଥିବାରୁ କୋମଳମତି ଛାତ୍ରଛାତ୍ରୀଙ୍କ ସମସ୍ୟା ବଢି ବଢି ଚାଲିଛି ।
