ନବରଙ୍ଗପୁର : ନବରଙ୍ଗପୁର ସହର କେନ୍ଦ୍ରୀୟ ବିଦ୍ୟାଳୟକୁ ଯିବା ରାସ୍ତା କଡରୁ ଏକ ମୃତଦେହ ଉଦ୍ଧାର କରାଯାଇଛି । ମୃତ ବ୍ୟକ୍ତିଙ୍କ ପରିଚୟ ମିଳିଛି । ତାଙ୍କ ନାମ ସୈବଲ୍ ସେଖ ଓ ବୟସ ୫୦ ବର୍ଷ । ହିର୍ଲି ଡଙ୍ଗରକୁ ଯିବା ରାସ୍ତା ପାର୍ଶ୍ୱରେ ଥିବା କୁନି ସାହୁଙ୍କ ଘରେ ସେ ରହୁଥିଲେ । ଘଟଣା ସ୍ଥଳରେ ପୋଲିସ୍ ସାଇଣ୍ଟିଫିକ୍ ଟିମ୍ ସହ ପହଞ୍ଚି ସନ୍ଧାନି କୁକୁର ସହ ଅନୁସନ୍ଧାନ ଜାରି ରଖିଛି । ତାଙ୍କ ପତ୍ନୀଙ୍କ କହିବା ଅନୁଯାୟୀ, ଶେଖ୍ ଗତକାଲି ସକାଳ ନଅଟା ବେଳକୁ ଚୁଟିଆଗୁଡ଼ା ଡ୍ୟାମ୍ ପାଖ ଢେପଗୁଡ଼ା ଗାଁକୁ କାମରେ ଯାଇ ଆଉ ଫେରି ନଥିଲେ । ଏହା ଏକ ହତ୍ୟାକାଣ୍ଡ ବୋଲି ସନ୍ଦେହ କରାଯାଉଛି । ଯାଞ୍ଚ ସରିବା ପରେ ତାହା ସ୍ପଷ୍ଟ ହେବ ବୋଲି ପୁଲିସ କହିଛି ।
