ଫୁଲବାଣୀ : ଏଠାରେ ଚାଲିଥିବା ତିନିଟିକିଆ ସମର କ୍ରିକେଟ ସିରିଜର ଦ୍ୱିତୀୟ ମ୍ୟାଚରେ ମଧ୍ୟ ପୁଲିସ ଟିମ୍ ବିଜୟୀ ହୋଇଛି । ଏଥି ସହିତ ଦଳ ତିନିଟିକିଆ ମ୍ୟାଚରେ ଦ୍ୱିତୀୟ ବିଜୟ ସହ ସିରିଜକୁ ଆଗୁଆ କବଜା କରିଛି । ଶୁକ୍ରବାର ଠାରୁ ପୋଲିସ ଓ ପ୍ରେସ ମଧ୍ୟରେ ସମର କ୍ରିକେଟ ମ୍ୟାଚର ଆରମ୍ଭ ହୋଇଛି । ଦ୍ୱିତୀୟ ମ୍ୟାଚରେ ପ୍ରେସ କ୍ଲବ ପ୍ରଥମେ ବ୍ୟାଟିଂ କରି ମୋଟ ୧୫ ଓଭରରେ ୭ ଉଇକେଟ ବିନିମୟରେ ୧୨୬ ରନ ସଂଗ୍ରହ କରି ଥିଲା । ଏଥିରେ ବିଭୁତି ରଥ ୧୨ ବଲରେ ସର୍ବାଧିକ ୩୧ ରନ କରି ଆଉଟ ହୋଇଥିଲେ । ସେହିପରି ପୋଲିସ ଟିମ ପ୍ରଥମ ୬ ଓଭର ଧିମା ବ୍ୟାଟିଂ କରିଥିବା ବେଳେ ପରବର୍ତ୍ତୀ ଓଭର ଗୁଡିକ ଧୁଆଧାର ବେଟିଂ କରି ଓଭର ପିଛା ୧୦ ରୁ ୧୧ ରନ କରି ୭ ଉଇକେଟ ବିନିମୟରେ ୧୪.୩ ଓଭର ରେ ବିଜୟ ଲକ୍ଷ୍ୟ ହାସଲ କରିଥିଲା ।ପୋଲିସ ଟିମର ଆର ଆଇ ଧର୍ମେନ୍ଦ୍ର ପ୍ରଧାନଙ୍କ ୧୨ବଲରେ ୧୨ରନ କରି ରିଟାୟାର୍ଡ଼ ହର୍ଟ ହୋଇଥିଲେ । ଜତିନ ୮ ବଲରେ ୨୦, ଅଭିଜିତ ୨୮ ବଲରେ ୨୧ ରନ କରି ଆଉଟ ହୋଇଥିବା ବେଳେ ପୋଲିସ ଟିମର ଅନନ୍ତ ୨୭ ବଲରେ ୫୩ ରନ କରି ନଟ ଆଉଟ ରହି ଦଳକୁ ବିଜୟୀ କରିଥିଲେ । ପ୍ରେସ କ୍ଲବ ସଭାପତି ସୁନିଲ ପଟ୍ଟନାୟକ ସମ୍ପାଦକ ପ୍ରଶାନ୍ତ ବେହେରା, ସନ୍ତୋଷ ଦିଗଲ ରମେଶ ଚନ୍ଦ୍ର ପ୍ରଧାନ, ଶିବରାମ ନାୟକ, ଅଜିତ ମହାରଣା, ଜୟସେନ ପରିଡା, ଆଦିତ୍ୟ ପ୍ରସାଦ ତ୍ରିପାଠୀ, ବିକାଶ ମିଶ୍ର, ସୂର୍ଯ୍ୟ ନାରାୟଣ ବେହେରା ପ୍ରମୁଖ ଉପସ୍ଥିତ ଥିଲେ ।
