ଭୁବନେଶ୍ୱର : ବରିଷ୍ଠ ଓ ଅଭିଜ୍ଞ କଂଗ୍ରେସ ନେତା ଶରତ ପଟ୍ଟନାୟକଙ୍କୁ ଓଡିଶା ପ୍ରଦେଶ କଂଗ୍ରେସ ନୂତନ ସଭାପତି ଭାବେ ନିଯୁକ୍ତ କରାଯାଇଛି । ଅଖିଳ ଭାରତ କଂଗ୍ରେସ କମିଟି(ଏଆଇସିସି) ପକ୍ଷରୁ ଆଜି ଜାରି ହୋଇଥିବା ପ୍ରେସ ରିଲିଜରେ ଏହି ସୂଚନା ଦିଆଯାଇଛି । ଏଥିରେ କୁହାଯାଇଛି ଯେ, ପ୍ରଦେଶ କଂଗ୍ରେସ ସଭାପତି ପଦରୁ ନିରଞ୍ଜନ ପଟ୍ଟନାୟକଙ୍କ ଇସ୍ତଫା ପତ୍ରକୁ ଗ୍ରହଣ କରାଯିବା ସହ ତାଙ୍କ ସ୍ଥାନରେ ଶରତ ପଟ୍ଟନାୟକଙ୍କୁ ଅବସ୍ଥାପିତ କରାଯାଇଛି । ଏହି ନିଯୁକ୍ତି ତତ୍କ୍ଷଣାତ ଲାଗୁ ହୋଇଛି । ପ୍ରଦେଶ କଂଗ୍ରେସ ସଭାପତି ଭାବେ ନିରଞ୍ଜନ ବାବୁଙ୍କ ଅବଦାନ ତଥା କାର୍ଯ୍ୟକୁ କମିଟି ପ୍ରଶଂସା କରିଛି ।
