ଦଶପଲ୍ଲା : ବଣ ପାହାଡ଼ ଘେରା ନୂଆଗାଁ ଅଂଚଳରେ ଆତଙ୍କ ଷୃଷ୍ଟି କରିଛି ଧଳା ଆପାଚି । ନୟାଗଡ ଜିଲ୍ଲା ନୂଆଗାଁ ବ୍ଲକ ଅନ୍ତର୍ଗତ ବାହାଡାଝୋଲା ଏବଂ କାପ୍ତାପଲ୍ଲୀ ପଞ୍ଚାୟତରେ ବନ୍ଧୁକ ଦେଖାଇ ବାଟୋଇଙ୍କୁ ଲୁଟ କରୁଛନ୍ତି ଦୁର୍ବୃତ୍ତ । ସୂଚନା ଥାଉକି ଗତକାଲି ବିଳମ୍ବିତ ରାତ୍ରରେ ବାହାଡାଝୋଲା ପଞ୍ଚାୟତର ଢ଼ୀପିସାହି ଗ୍ରାମର ଶଙ୍କର୍ଷଣ ସାହୁ ଓଡଗାଁରୁ ନୂଆଗାଁ ରାସ୍ତାରେ ଗାଁକୁ ଫେରୁଥିଲେ । ହରିପୁର ରାସ୍ତାରେ ଏକ ଧଳା ଟିଭିଏସ ଆପାଚିରେ ୩ ଜଣ ଯୁବକ ଆସି ବନ୍ଧୁକ ଦେଖାଇ ଶଙ୍କରଙ୍କ ମୋଟର ସାଇକେଲ ଅଟକାଇ ମୋବାଇଲ ଫୋନ ସହ କିଛି ଟଙ୍କା ଛଡାଇ ନେଇ ଯାଇଛନ୍ତି । ଏନେଇ ଶଙ୍କର ଥାନାରେ ଅଭିଯୋଗ କରିଛନ୍ତି । ସୂଚନା ଥାଉକି ଗତ ୫ ଦିନ ତଳେ ଗଂଜାମରୁ ଆସି ଗୁମି ପଞ୍ଚାୟତର ମୁରିଆତ୍ମା ଯାଉଥିବା ଦମ୍ପତିଙ୍କୁ ସେମିତି ବନ୍ଧୁକ ଦେଖାଇ ସୁନା ଗହଣା ଚୋରି କରି ନେଇଥିଲେ । ବାରମ୍ବାର ଏପରି ଘଟଣା ଘଟିବାରୁ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।
