ଘୁ.ଉଦୟଗିରି,୨୪/୫: ଘୁ. ଉଦୟଗିରି ପ୍ରେସ କ୍ଲବ୍ ସଭାପତି ସମୀର ପାଢ଼ୀଙ୍କ ନେତୃତ୍ୱରେ କ୍ଲବ୍ ଗୃହ ନିର୍ମାଣ ନିମନ୍ତେ ଜାଗା ପ୍ରଦାନ କରିବାକୁ ଆଜି ଘୁ. ଉଦୟଗିରିର ସମସ୍ତ ସାମ୍ବାଦିକ ସ୍ଥାନୀୟ ତହସିଲଦାର ଶୁଭ୍ରାଞ୍ଜଳି ପ୍ରଧାନଙ୍କୁ ସାକ୍ଷାତକରି ଏକ ଦାବିପତ୍ର ପ୍ରଦାନ କରିଛନ୍ତି । ପ୍ରେସ କ୍ଲବ୍ର ଆବଶ୍ୟକତାକୁ ଦୃଷ୍ଟିରେ ଘୁ. ଉଦୟଗିରି ଠାରେ ସ୍ୱତନ୍ତ୍ର ପ୍ରେସ କ୍ଲବ୍ ଗୃହ ନିର୍ମାଣ ନିମନ୍ତେ ସ୍ୱତନ୍ତ୍ର ବୈଠକରେ ଆଲୋଚନା ହୋଇଥିଲା । ଆଜି ସ୍ଥାନୀୟ ତହସିଲଦାରଙ୍କ ନିକଟରେ ପ୍ରେସ କ୍ଲବ ଗୃହ ନିର୍ମାଣ ପାଇଁ ଏକ ଜାଗା ପ୍ରଦାନ କରିବା ନିମନ୍ତେ ପ୍ରେସ କ୍ଲବ୍ ପକ୍ଷରୁ ଦାବିପତ୍ର ପ୍ରଦାନ କରାଯାଇଛି । ଏଥିସହିତ ପ୍ରେସକ୍ଲବର କାର୍ଯ୍ୟାଳୟ ଗୃହ ନିର୍ମାଣ ପର୍ଯ୍ୟନ୍ତ ଏକ ଅସ୍ଥାୟୀ ଘର ପ୍ରେସକ୍ଲବକୁ ପ୍ରଦାନ କରିବାକୁ ଅନୁରୋଧ କରାଯାଇଛି । ତହସିଲଦାର ଦାବିପତ୍ରଟିକୁ ଗ୍ରହଣ କରିବା ସହ ବିହିତ ପଦକ୍ଷେପ ନେବେ ବୋଲି ପ୍ରତିକ୍ରିୟା ଦେଇଛନ୍ତି ।
