ପୁରୀ : ଗତକାଲି ସନ୍ଧ୍ୟାରେ ପୁରୀରେ ଘଟିଥିବା ଛୁରା ମାଡ଼ ଘଟଣାରେ ପୋଲିସ ତିନି ଜଣ ଯୁବକଙ୍କୁ ଅଟକ ରଖିଛି । ଏମାନଙ୍କୁ ଗତକାଲି ରାତିରୁ ପୋଲିସ ଅଟକ ରଖିଥିଲା । ଦୁଇ ଦିନ ତଳେ କିଛି ବ୍ୟକ୍ତିଗତ ଘଟଣାକୁ ନେଇ ଉଭୟଙ୍କ ମଧ୍ୟରେ ବାକ ବିତଣ୍ଡା ହୋଇଥିଲା । ତେବେ ସେହି ଘଟଣାକୁ ନେଇ ସୂର୍ଯ୍ୟ ନାରାୟଣ ତ୍ରିପାଠୀଙ୍କୁ ଛୁରା ମାଡ଼ ହୋଇ ଥିଲା । କେବଳ ପୂର୍ବ ଶତ୍ରୁତା ନାଁ ନିଶା କାରବାରକୁ ନେଇ ଏଭଳି ଘଟଣା ଘଟିଛି ସେନେଇ ତଦନ୍ତ ଚାଲିଥିବା ପୁରୀ ଏସପି ସୂଚନା ଦେଇଛନ୍ତି । ଗୁରୁତର ଯୁବକ ଲୋକନାଥ ରୋଡ ଷଣ୍ଢ ଯାଗା ଅଞ୍ଚଳର ସୂର୍ଯ୍ୟନାରାୟଣ ତ୍ରିପାଠୀ । ବଡ଼ ଶଙ୍ଖ ରେ ଏହି ଛୁରା ମାଡ଼ ହୋଇ ଥିବା ବେଳେ ଗୁରୁତର ଅବସ୍ଥାରେ ତାକୁ ପ୍ରଥମେ ପୁରୀ ଓ ପରେ କଟକ ସ୍ଥାନାନ୍ତରିତ କରାଯାଇଥିଲା ।ଘଟଣାରେ ପୋଲିସ ଗୋଖା ସାହିର ଦିପୁ ବେହେରା, ଶିବୁନା ଭୋଇ ଓ ବିବୁନା ଭୋଇଙ୍କୁ ପୋଲିସ ଅଟକ ରଖିଥିବା ବେକେ ଅଭିଯୁକ୍ତ ମାନେ ନିଜର ଦୋଷ ସ୍ୱୀକାର କରିଛନ୍ତି । ତାଙ୍କୁ ପୁରୀ ପୁଲିସ ଗିରଫ କରିଛି । ଖୁବଶୀଘ୍ର କୋର୍ଟ ଚାଲାଣ କରାଯିବ ବୋଲି ପୁରୀ ଏସପି ସୂଚନା ଦେଇଛନ୍ତି । ସେମାନଙ୍କ ନିକଟରୁ ଏକ ଛୁରୀ ପୋଲିସ ଜବତ କରିଛି ।
